PILNA LEH ZOMITE

PILNA LEH ZOMITE

Paunak 1:29; 3:13-18; 4:5-10

Pilna ih cih pen eipau in nam thum khawng in kihen thei hi. Ih nuntakna a nop theihna dingin ih nuntakna ah pilna kitangsam mahmah hi. Na nuntakna anopna dingin pilna mah zong hamtang le hang ih minam leh khua sung hong khangin hauhna thupha ih tang ding hi.

          Pilna pen Lai pilna, Khut siamna, leh Pau leh ham siamna cih in nam thum in kikhen thei hi. Lei tungah Mai lamsaupi ngimna nei in nuntak nading nuapsakna ding, na mailam saupi na khual leh Lailampilna hoihtakin zong leng ih sumzon dan leh ih na sepzia hong nuam ding a, ih tutang tawi neu in, mite sangin hauzaw bek loin na nuntakna hong nuam, hong sau ding hi.

          Khut siamna skills kitang sam mahmah hi hang. Ei Zomite hau leh, sumtam neih ih ut mahmah vua ahau a kigen kei’ ding mi pen haksa mahmah hi. ih lungsim sung uh ah sum bek4 om in khutsiamna lam sinding zawn ding ih ngaihsut masa kei uh hi. Na ih sephang un khutsiamna neilo ih hih manin mi muhzah, ngahzah ih ngah zo kei uh hi. Tua ahih manin laipilna leh khutsiamna kitang samin, na neih leh mi hau hong suaksak baih ding hi.

2012 kumsungin Olympic a Boxing akhatna lanu Mary Kom pen Thahdo mate te hi in, tua  nu nuntakna tawm hong gen nuam in. Aneu a Kipanin Boxing siamna na lunglut in na kisin toto in tudong mahin na khak suah lo hi. Paunak sung ah agen mah bangin na neihkhempeuh abei lawh zongin Pilna zongin, Pilna-in Milian, Minuamsa, pahtawina hong ngahsak ding acih mah bangin Pilna in amah pen anuntakna nuamsak in pahtawina ngahsak a mihau, miliante tawh kikhawl sak hi mawk hi. Kha khat sunga khutsiamna hangin asum ngah bekbek pen USA dollar in teng4 val hi. Tua teng4 ih cihpen USA a omte in kum 30 ihsep ciangin kingah zo pan tam maw cih hi. Tua hi a hih nutung panin ih muh theih a Pasal nei intapeng nei a, buaipipi mah in apilna zonga Pasian in akhansung agaihzawh lohding Paunak sunga genbangin pia hi.

Boxing ah gualzawhna ngavei ngahta a, Manipur ah Police na sem in tun Police inspector (thauhlanzyi bu) sem ta hi. Apension bek zong akham ding pen pilna athupit sak manin LST gen ama tungah tunga, sumtampi ngahin anuntakna nuam asa mahmah suak hi. Thatang tawh na sep kaikai sangin, abuai lai tak abuai hangin tun thaisa ding hi  ziau hi.

Ih nuntakna sung vuah pilana kitang sapdan LST in agen bangmah in kitangsam mahmah a, pilna nei lo a min thagum tawh na sep lai in nang khut muk bek leh na siam nate tawh na sem le cin sumhonglut dan pen tamzaw in na tha awl zaw dinga, na nuntak zong hongsau zaw ding hi.

Gam dantuamtuam aomte in et takciangin pilana akici ih gente khat zong nei lo uh ahih manin sum zon dan pen haksa mahmah in mi ngahzah angah zo lo ding uh hi mawk hi. Cih pawk ni.

Computer hun IT hun ahih mah bangin computer bang zangsiam le hang khuapi leh gamkhangto te ih tun ciangin ih nuntakna hong nuaksak ding hi cih ih gen nuam hi.

          Pau siamna Language tawh kisai in akitang sam mahmah khat ahi hi. Pau ih siam loh manin kutsiam ihnei zongin na sephoih muhna ding, ih hauhna dingin sumtam honglutna dingin kampau siam kisam mahmah hi. Ih omna gam tawh kizui in pau leh ham ih siam sawm hamtang ding thupi hi. Pau na siam nak leh mi nuai ah omlo in mite simmawh na tuak kei zaw tham dinghi. Na nuntakna hong nuamsak dinga, mite in hong sim mawh ngam lo ding hi.

Ih omomna ah ih omnate pau ih siam mahmah nak leh nasepna ah mi a nuai ah khasum ngah lo ding, na vengna paute in hong sim mawh lo ding, hi cih hong gen nuam ing. Delhi ih om sung hun hoih sungin Mangpau, hindi hoih takin sin in mundang natun ciangin Pau theilo ci-in hong kingaihsun in pau zat lohna ding mun ah na hong kisemsak ding ahih manin kumsawm na om zongin pau na siam kei ding hi. Cih pen ih theih dingin kideihsak hang.

Ei Zomite in bel sum bekmah ih lungsung ah koihin Lai pilna lah ngaihsun lo, khutsiamna lah nei lo, lah sawm lo, Pau lah siamlo ih hih manin tua hangin sum leh pai nadeih zahin mu zolo na hih manin na lungsim sungah sum bek2 ahom hangin, na hauzo ngeilo or mi neihzah na nei zo ngei kei ding hi. Ih nuntakna uh ki-en pha ni, mi nuamsa, mi hau ih suahna dingin PILNA hih nam thumte lah ah khat  teitei na siam  leh na theih mahmah kul ding a tua in na nuntakna hong nuamsak in hong lamto ding hi. Na mailam ah a nuam theipen in na nuntak theihna dingin (no pain no gain) haksatna thuakloin nopna, hauhna kitung theilo cih phawk kawm in ih zomi sungah mihau hong tamsemsem nadingin amasa dingte masa sak tek ni cih Jesuh mintawh kihan thawn le a kigen hi hang.

Lungdam!!                                    

By: Siam Khaute

Jan 2013