Christmas zatdan

CHRISTMAS ZATDAN

Ih et kawi2 ciangin Christmas zatdan pen Zomite in Cimphawng Ciamnuih dan peuh in kizang leh kilawm sa simsim mai ing! Mi khempeuh ahih loh hang!

Jesu hong suahna pen Kilemna, Nopna, daihna, ki-itna, kilawmtatna Ding ahi hi.
Isaiah 9:6 Sung ah “Bang hang hiam cih leh eite a dingin naungek khat hong suak a, eite’ tungah tapa khat hong kipia hi. Amah pen eite hong ukpa hi ding a, ama min pen
“Lamdang Thulak pa,
 Vanglian Pasian,
Tawntung Pa,
Nopsakna Kumpi,” kici ding hi.”
 Acih mah bangin Ih nuntakna ah ahi takpi hiam?

Tuni in Na ngaihsut dingin, ih ngaihsut dingin ih Deih mah2 thu khat in
Jesu in Na lungsim na pumpi hong uk takpi hiam?
Na ki-uksak takpi hiam?

Na nuntakna Jesu na ki-uksak leh Isaiah 9:6 na Sung a thulite nang a dingin hong hitakpi Ding hi!

Christmas pen ciamnuihna leh gual nopna mai2 in zang kei ni! Nam dang tuam2 tampi lak ah kihelin mi Christmas dawndante ka muh koi2 ciangin thupi in thutak a, ei bawldante ih et kawi2 ciangin Ciamnuihna leh leitung gualnop bawlna tawh hong kilamdang hetlo ahih manin kingaihsun pha mah2 ding Zomite akua mahpeuh kong gen nuam Hi.

Christmas thupha in mimal leh na Innkuan tuangvuah hong tung kim ciatta hen! ci-in Jesu mintawh thupha hong paih ing! Asim kha mimal lungdam

Siam Khaute
December 25,18

NA CIAHKIK MA...

15-9-2018

Second khat sim in hih leitung nusia in mite paikhia den a,a hong ciah kik nawnlo uh hi. Tua a kilakhia te a kum kiciangtan lo hi. Naupangte, khangno te leh u hamte ki banglel hi. A hau le a zawng ki deidanlo hi. A pil te leh a hai te paikhia khawm hi.

Mi zawngte mah bangin mihaute zong a paikhiat kul hi. A melhoih te kihehpih tuanlo a, a melhoihlo te zong kisit tuanlo hi. Hong ki lakkhiat hun ding ngakin hih leitungah a om, i hi hi. Nang hong kilakkhiat hun zong hong tung veve ding hi.

Tua ahihmanin tu ni-in:
1. Pasian phawk in. Pasian tawh kipawl sawm in.

2. Na nu leh pa zahtak in it bawl in. Khasia sak kei in. Lungdam sak in.Hopih in. Letsong pia in.

3. Na sanggamte heh nading bawlkei in. Lunggimsak kei in.'Hong panpih ning' cih gen in.

4. Na veng le paamte noptuamna ding sem in.

5. Nang tungah hong khial mite' mawhna siangthotak in maisak giap lel in.

6. Na tate lam maan hilh masalo-in zingsang inn pan paikhia kei in. 'Topa'n thupha hong piahen' ci lecin a lampi uh khua vak ding hi.

7. Na neihsate tawh na huhtheih mi peuhpeuh huh in. Pasianin tua nasep pen etlawm sa hi.

8. Nalianpite sepkhiat sawm in. Leitung zem in.

9. Bangmah semlo-in na hun mawkbeisak kei in. Hun pen nasepna dingin zangh in.

10. Mite'n hong nuihmai kei phial lezong na maitai siuseuna mite, a khongin pia lel in.

11. 'Hong it ing' ci lel inla 'hong it ingh' hong cipeuhmah maizumsak kha kei in.

12. Tupna neilo in innpan vakkhia kei inla na paikhiat leh ciahhun ding a theisa in vakkhia bek in.

13. 'Ka mawhna, ka khialhna hi. Hong maisak un' cih ding haksat ngaihsut kei in.

14. 'Lungdam' cih kammal kine theilo mah hi. A hizongin 'zaknoplua' a hihmanin lungdam ko pahpah lel in.

15. Leitungpan na piakkhiat ciang na tunna mun a ding sum le paai khol in.

16. Tu ni kikhel sawm inla, kisiangthosak in. Naa sepna, kampauna, ngahsutnate puahpha in.

17. A kigingsa in om inla thuhoih masuan in.

18. Na hihna sangin kiliansak zaw kha kei inla na hihna sangin kineumuh zaw tuan kei in.

19. Mi khat peuhpeuh lungdam nading nasepleh na innkuan sungah tua thupha hong ciah kik pelmawh ding hi.

20. Na nuntak sung na paina peuh ah na khema kidawksak in. Na tate'n tua lampi nikhat ni ciangin hong zui nuam kha ding uh hi.

credit.Posted by: Zomi Siamsin Library Post

MIKANGTE PAUNAK

(MIKANGTE' PAUNAK)

1.A lol vasa in lungno man hi,

2.A kamtamte na tawm a semte hi,

3.Na khatpeuh a laklawhpin sem ken,

4.Humpinelkai ihmu va phong se dah in,

5.Pilna sin nading zekai lua,cih om ngei lo hi,

6.Biakinn pai khempeuh misiangtho hi khin lo hi,

7.Nawhtat luatna in siatna lianpi piangsak thei hi,

8.Rom khua ah na om leh Rom mi bangin gamta in,

9.A thadahte' lungsim pen dawite nasepna phualpi hi,

10.A meidawi lungsim in nungak hoih ngah zo ngei lo hi,

11.Nasep khatpeuh i kipat teh alang bang zawhsa hipah hi,

12.Khangno lai a thadahten khangham teh khutdawh ngen,

13.Lawpna lungsim tawh a hih nak leh a haksa om lo hi,

14.Siatna na pelh leh aman zong nang hong pel ding hi,

15.Tuni na zawh theih ding zing ciangin khinto kei in,

16.Melhoihna in teh hoih nei a,gah kha zong nei hi,

17.Mihaite a sum tawh sawt omkhawm thei lo hi,

18.Haksat hun a i lawmte pen lawm taktak hi,

19.A ngak zote tung ah bangkim tangtung hi,

20.Thuakna lo tawh bangmah kingah lo hi,

21.Na sup ngam zah bek leitawi pia in,

22.A taang khempeuh kham hi lo hi, Lawm hoih neite lawhcing hi, Sinna pen lungsim’ mit hi.

lungdam. Sep 2018

SENTE PAUNAK

#SENTE_PAUNAK_HOIH_PAWLKHAT

1. Na dangtaak ma-in tuikhuk to masa in. 

2. Thu a dongdong mipa tomno sung bek mihai suak a, thu a dong ngei lo mipa a khantawnin mihai suak hi. 

3. Tai tampi na tunna dingin kal khat pan kipan hi. 

4. Na lungsim a khauh nak leh thu haksa khat zong thubaih suak a, na lungsim a thanem leh thubaih khat zong thu haksa suak hi.  

5. Mi khat ngasa tawn khat na piak ciangin ni khat an vak na hi a, ngasa matdan na hilh ciangin a khantawn an a vak na hi hi. 

6. Na khempeuh in hoihna nei ciat a, ahi zongin mikim in a hoihna mu lo hi. 

7. Kum khat ading bek na ngaihsut leh buh suan in; kumsawm ading na ngaihsut leh singkung suan in; kumza ading na ngaihsut leh mihingte pilna hilh in. 

8. A pilte tawh khatvei kiho khakna pen kha khat sung pilna sinna zahin manpha hi. 

9. Na melsiatna pen limlang mawhsak kei in. 

10. Pilna in a neipa paina khempeuh zui tawntung ding hi. 

  Sia Mungno

JESU NUNG ZUIH BAIH/LO?

CHRISTIAN HIH BAIHLO
“Tua ciangin Jesuh in a nungzuite le mi khempeuh kiangah, “Mi khatpeuh in kei hong zuihnop leh ama deihna bangin gamta nawn loin nisimin a singlamteh pua-in hong zui ding hi.”
‭‭LUKE 9:23‬ ‭
“Then he said to them all: “Whoever wants to be my disciple must deny themselves and take up their cross daily and follow me.”
‭‭Luke‬ ‭9:23‬ ‭NIV‬‬

Christian nuntakna ih cih or Jesu nung zuih ih cihpen abaih mah2 ding, nopsa mah2 ding, Lungdamna ding, Hauhna, Minthangna ding a sa mitampi Khristian ki-om hi!

Tuate hilo ding ih cikei a tuadan bek upna ih neih laitakin Christian or Jesu nung zuih tak2na pen abaih lo Leitung ah ahih lam phawk kawm leng, ei utdandan a nuntakna ahih lohlam phawk leng, ih Christian or Jesu nung zuih nuntakna man ki-zui thei Ding cih gen nuam ing!

1. Ama deihna bangin gamta nawnlo ding!
2. Nisim a Singlamteh pua ding!
3. Hong zui hen! cih teng Hi!

1- Ama Deihna bangin gamta nawnlo ding!!!
Jesu nung ih zuih tak2 ciangin , tulai pau leng ih pianthak tak2 ciangin ei deihna bang gamta lo dingin Jesu deih bang or Laisiangtho deih bang gamta ding ci hi.
      Mihing in ih deihna, lunglutna, utna, leh kizepna zia Dong ah ei Deih bangin gamta nawnlo ding cih himawk hi. Genni cileng tamlua in Pasian deihna tawh a kituaklo khempeuh nusia ding cihna hi.

2- Nisim a Singlamteh pua Ding!!
      Singlamteh puakna pen baih hetlo hi. Atom in ah Muslim,Hindu Budish cihte pen Jesu nung hong zuih tak2 ciangin 1) Nulepa tawh kikhen, ulenau tawh kikhen, lawmlehgual Ngaihte tawh kikhen, Inn pan kinawh khia, Community pan kinawhkhia, hibang teng Singlamteh pua in Jesu nung zui hi.
     Christian or Jesu nung zuih a Singlamteh puak pen a baih hilo hi. Christian background Pan ahilote adingin hihdan na hi mawk hi! Christian background pan ate zong tuabang Singlamteh puak kawm a Jesu nung zuih kul ahih loh hangin tampi mah Jesu nung na zuihteh haksatna tampi na puak kul hi.
          Zuleza, kham theih tuam2, utna, deihna, lunggulhna tuamtuamte nutsiat kul a, Tua Bang na nutsiat ciangin, na Lawmte in lawm dingin hong deih nawnlo Ding, Lawm neilo nangkia, kisa ding, leitung deihna munte ah pai nawnlo, na utlo Laisiangtho nasim kul, thu na ngetkul kikhawm na pai det kul, etc cihbangin taksa nopsaknate nusia in Jesu nung na zuih kul hi.

    Christian nuntakna pen leitung ah nopsakna, Hauhna sangin, gentheihna, maizumna, lawmle gualte nawlhna,  Innkuan pihte nawlhna, kimlehpam nawlna kituak hizaw hi.
   Na Christian nuntakna pen nopna leh Hauhna atuam2 dingin na ngaihsut a na nuntak leh Jesu nung na zuihna ah na kigamla semsem thei ding hi!
  Jesu nung na zuihna pen leitung ah na it, na deih , na lunggulh nate tawh kikhenna Hi a, Athu baih Christian life hilo hi!

Singlamteh pen:- langpanna, zumthuakna, haksatna leh sihna Dong hong tungsak thei leitung ah ahi hi. Jesu nung zuihna pen tuabang na hi zaw thei hi.

Ut bang2 a om a Christian hih pen man kizaih a background a koih bek hi a ami hilo hi.

Christian or Jesu nung zuihna tak2 pen:-
1. ei deihna bang a gamta thei nawnlo, Jesu deihna bek zuihna hi. Hamsa hi!
2. Singlamteh haksatna khempeuh phutna hi a tuate mitsi teta a Jesu nung zuihna hi! cih phawk a
3. Ama deihna bangin nuntakna tawh nungta in zuihna hi! Nidang in Jesu tawh kisai kha na hihnoploh teng hih a na zuih kul Ding hi.

Jesu nung zuih pen leitung ah nopsakna Ding sangin genthei haksatna hizaw hicih phawk leng ut hang!

Topa nung zuihna ah ci taktak in azuizo kim dingin Topa in thupha hong pia ciat hen!

Lungdam
S.Khaute Sep1.18

NA KIMUH KIKMA UMPAH KEN!

KIMUH KIK MATENG UM KEN

1. Na lawmte hong kigensiat sakleh, na kimuh kik matengin um kei in.
2. Na lawm ngaih hong kigensiat sakleh, na kimuh kik matengin um kei in.
3. Na makaite hong kigensiat sakleh, na kimuh kik matengin um kei in.
4. Na nasemte hong kigensiat sakleh, na kimuh kik matengin um kei in.
5. Na zi hong kigensiat sakleh, na holimkhop kik matengin um kei in.
6. Na pasal hong kigensiat sakleh, na holimkhopkik matengin um kei in.
7. Na belh, na muan khat hong kigensiat sakleh, na kimuh kik matengin um kei in.
8. Nangmahmah hong kigensiatleh, na kisittel khit matengin heh kei in.
9. Na nasepna hong kigensiat sakleh, na zawh khit matengin heh kei in.
10.Na uploh thu khat hong kigenleh, na dot kawmin amah entel in.

Theih ding:-
(1) Hong kihaza thei hi. "Zawlthu kalah sial thawl" hong khen nuamte' nasepna genna hi.
(2) Thu lang-etna in naupang lungsim hi a, langnih etkhopna in picing lungsim hi.
(3) Kizoppihte sangin mithak khat ki en ziau thei a, kisikna in zong hong pha-pah thei hi.
(4) Mi a gen sia khat leh a gen'siatte nang tawh a kua pen kinai zaw a, kua' lamah pang zaw ding na hiam?
(5) Ki gensiatsakna  sungah ki-itna aw, hong ging thei a, kizoppihte zong sittel a kul hithei hi.

* Thu tam gen leng ki paukhial thei a, sawtvei om leng ki takhial thei hi.
* Sungah a dim' bangin kam-ah letkhia thei a, kampauna in mizia lahtelna khat ahi hi.
* Thuhoih tam zak leng i lung nuamin, i meel hoih a, thusia tamzak leng i lung gimin i meel a sia hi.
* Natna hong tun ma-a kidaltheihna in pilna hi a, thuhoih i zak ma-a pau'loh theihna in zong pilna mah ahi hi.
* I lawmte' thugen' khempeuh kipompih kim theilo a, a sia dingte kilahtelna in kilawmtatna ahi hi.

~ Tdkhen Tuuno Huang
CREDIT:- Cinpu Zomi

CIDAM NANG KIKEM IN

CIDAMNA_DING
Dr. Gupta says,
No one must die of cancer except out of carelessness;
#Kiven siamloh man ahih kei buang leh Cancer tawh kuamah Silo Ding hi!

(1). First step is to stop all sugar intake, without sugar in your body, cancer cell would die a natural death.
#Akhum nekledawn kidawm in, na taksa Tung ah a khum tawm leh Cancer sazang apiang sakte amathu in bei or si ding hi. (Eilam Akhum nezokhang Gam khangto ah )

(2). Second step is to blend a whole lemon fruit with a cup of hot water and drink it for about 1-3 months first thing before food and cancer would disappear, research by Maryland College of Medicine says, it's 1000 times better than chemotherapy.
#Lemon  or Tampaza pen at in tuisa haisung ah koih Ding in an nekma Tua dawn Ding kha 1-3 Sung bang, tua-in Cancer bei or damsak hi. Maryland College Of Medicine te in azatui sangin azah tul bangin hoih zaw ci hi.

(3). Third step is to drink 3 spoonfuls of organic coconut oil, morning and night and cancer would disappear, you can choose any of the two therapies after avoiding sugar. Ignorance  is no excuse; I have been sharing this information for over 5 years. Let everyone around you know.God bless.
#Coconut thau pen sikkeu 3 ta bang zing leh nitak in dawn lecin Cancer dam hi ci hi. Akhum kidawm inla atung a ih gente nang a ding in alem pen2 zangin. Hihte na kim na pam ah nagensawn Share sawn in.

"Dr. Guruprasad Reddy B V, OSH STATE MEDICAL UNIVERSITY MOSCOW, RUSSIA
Encouraged each person receiving this newsletter to  forward it to another ten people, certainly at least one life will be saved ... I've done my part, I hope you can help do your part. thanks!

Drinking hot lemon water can prevent cancer. Don't add sugar. Hot lemon water is more beneficial than cold lemon water.
=>#Tuisa ah Tampaza helin la cikhum henlo in dawnin tua-in Cancer Dal hi. Avot Tampaza tui sangin a sa Tampaza Tui hoih zaw hi.

Both yellow n purple sweet potato have good cancer prevention properties.

#Kawlkai anaipak leh nainawk mel kawlkai khempeuh pen Cancer kidanna in akizang nate hi. Ne mun in!

01.Often taking late night dinner can increase the chance of stomach cancer.
#Nitak an nekhak luatin ih gilpi sungah Cancer omsak baih hi.

02. Never take more than 4 eggs per week
#Kalkhat sungin aktui 4sang tamzaw ne ken!

03. Eating chicken backside can cause stomach cancer.
#Ak meibul in gilpi Cancer piang sak thei ahih man tamnek ken. Kidawm in.

04.Never eat fruits after meal. Fruits should be eaten before meals.
#Theigahte an nek khitciang neken la, an nekma in ne zaw in, ci ei!

05. Don't take tea during menstruation period.
#Numeite nin neihlaitakin niangtui dawn ken, cileuleu ei!

06. Take less soy milk, no adding sugar or egg to soy milk.
#Soy milk, Eipau in BE Bawngnawi tamdawn ken, cikhum hel ken,

07. Don't eat tomato with empty stomach.
#Gilkialsa in Mehthuk kia neken ci ei,

08. Drink a glass of plain water every morning before food to prevent gall bladder stones.
#Zing an nekma in Tui haikhat ta nisimin dawn in. Tua in sinkha ah suang om ding  Dal hi. ti leuleu ei!

09. No food 3 hrs before bed time.
#Na lupma nai 3 kisapin an ne nawn ken! Nitak An nek zawh nai 3 cinciang lumpan in. Ti leu2 ei.

10. Drink less liquor or avoid, no nutritional properties but can cause diabetes and hypertension.
#Zu leh adangdang Cidamna apiangsaklo  nate dawn2 ken! Tuate in si,zun khum leh lungsim manlohna piangsak hi.

11. Do not eat toast bread when it is hot from oven or toaster.
#Bread moh nasatsak ciangin a sapi in ne ken!

12. Do not charge your handphone or any device next to you when you are sleeping.
#Na ih mut ciangin nang tawh kinai ah na phone or atuam2 meitha tawh kituante tuanken koih ken!

13.Drink 10 glasses of water a day to prevent bladder cancer.
#Nikhatin tui hai10 ta dawnin Tua in zun bu leh atuam2 ahCancer natna Dal hi.

14. Drink more water in the day time, less at night!
#Zan sangin Sun in tui tampipi dawnzaw in! Zanin tawm bek dawnin.

1Don't drink more than 2 cups of coffee a day, may cause insomnia and gastric!
#Nikhatin hai 2 Sang a tamzaw Coffee dawn ke’n! Hih in na gilpi huih natna piangsak thei hi. Ih mut theih lohna zong piang hi.

16.Eat less oily food. It takes 5-7 hrs to digest them, makes you feel tired.
#Sathau atampa lua ante tawmnek in! Digest Asachi nadingin nai 5-7 hunla in hong gimsak, tawlsak hi!

17.After 5pm, eat less.
#Nitak nai 5 khit ciangin annek na nek kidawm in lup hun naita hi!

18.Six types of food that makes you happy: banana, grapefruit,  spinach, pumpkin, peach.
#Na omdan hong nuamsak nektheih 6te in Nahtang, lenggah, kala pau in, (Palak) Eipau in Vokpi bilteh, English in spinach, Maigah, Meitei mul leh amullote,

19.Sleeping less than 8 hrs a day may deteriorate our brain function. Taking Afternoon rest for half an hour may keep our youthful look.
#Nai 8 sang tawmzaw na ih mut leh ih khuak nasepna mansaklo kisiasak in, Sun nung nai 1:30 Bang tawlnga or na ihmut leh hong nosuaksak Ding hi!

20.Cooked tomato has better healing properties than the raw tomato.
#Mehthu asial sangin aminsa pen damna dingin hoih zaw hi! Sialnek lualo Ding cihna!

Hot lemon water can sustain your health and make you live longer!
>Tampaza tuisa(Hot lemonate)tawh in na cidamna khangsak in nanuntakna sawtsak hi!

 Hot lemon water kills cancer cells. #Tampaza tuisa or asa in Cancer apiangsak sazangte that/damsak Hi.

Add hot water to 2-3 slices of lemon. Make it a daily drink.
#Na tuisa dawn hai khat Sung ah Tampaza phel 2-3 Bang khah inla nisim in dawn in!

The bitterness in hot lemon water is the best substance to kill cancer cells.
>Tampaza tui akha in cancer a piangsak thazangte damsak athatna hoih pen hi.

~Cold lemon water only has vitamin C, no cancer prevention.
>Tampaza tui avot in Vitamin C bek hong pia a, Cancer dalna pianglo hi. Tuisa tawh bek hoih cihna hi.
Hot lemon water can control cancer tumor growth.
Z-Tampaza Tui asa in Cancer apiangsakte kham, Dal hi!

Clinical tests have proven hot lemon water works.
>Zato ten asinna ah Tampaza tuisa in Cancer adal cih thei Hi. Nasem ci hi.

This type of Lemon extract treatment will only destroy the 
malignant cells, it does not affect healthy cells.
>Tampaza tuisa in ih Cidamna khoihkha lo a, Natna a hong piangsak sazangte or nate bek sia sak hi!

Next... citric acid and lemon polyphenol in side lemon juice, can help reduce high blood pressure,effective prevention of deep vein thrombosis, improve blood circulation, and reduce blood clots.
>Tampaza tui thukin Sikhang kiamsak, Thagui Sung akhak thei natna zong dal, Sisan pai mansak, sisan hoihlote tawmsak Hi.

No matter how busy you are, please find the time to read this, then tell others to spread the love!
> Na buai zongin na simin la Midang na Share sawn in!
Amau leh a mau a kikep theihna Ding un!

After reading, share with others to spread the love! To take good care of their own health!

Lungdam
Translated by:
Siampu Khaute
073118