Monday, February 19, 2018

NA PASAL TUNG NA BAWL IN, By:- Huainu Nu

"NA PASAL TUNG BAWL IN"
         By:- facebook-- Huainu Nu
Nupa kal anoptheihna dingin ei nupite mah in ma ihpat masak nak leh Pasalte zong hongnuam pah lel hi. Innkuansung nopna ding, nupa kalnopna dinin Nupite'n hihdanin hih leng hoihhi, Ko nupa nuntakzia hong hawmsawn ing.

Nupa kal thu tuamtuamte lakah Nupite tungah kagen nopleh hopsawn nop tampite lakpan:-
1.An huanciang Ken bang duh cih thupi sak masa ken la,ka Pasal leh tate'n bang sa,meh duh cih thupi saklehtel sawmin.

2.Vaikuan ma-in sunsiahlehaki sam teng Zite mahin kithawi sak leng hoih pen hi.Paima thunget khop man keileh Topa thupha ci-in kong biangah kha ham tangin.A pai khit ciangin hun khat lain thunget sakin.

3.Vai hong tun ma-in khua hun tawh kizuiin alum,avot juice cih bang sabuai tungah koih kholh sakin.Bang mah aom kei lehTuivot suahin.
4.Tu-ni na sep alemna na gim luahia U..Tate min or Nupa kalah no kisap dandan tawh vaimuak in.Kammal khum tawh na vai muakna in aci golh na mek zah khatin agimna tampi dam sakhi.

5.Pasal om loh kalin na sep leh vai thupi lobuang vakvak lo ding.Innah Nupi nau pang lo buang,Na Pasal theihna phalna om loin leng la Pasal neilo ding.Na Pasal tungah na itna,cihtak,thuman na hihna zong kilang pah hi.Lengla khempeuh tawh mawhpah khialpah ding cih hilo na pi'n kidop leh pilvan theih hoihpen hi.
6.Pasal te Sum sanma in NiklehPuan Online Shopping leh atuamtuam pan vaikhak lo ding.Ngahna leh zatna en khawm lopi in deihteng mawk leilei leng ei leh ei leibaa kiguan banah Pasal te thatang atawl dam zongin alungsim na dam lo theihi.

7.Nupa kalah thu sim limlim nei lo-in naduh nadeih gen ngamlah nei keiin.A zenzen in na lungsim bang hong hih sakpah keileh zongtelsiamleh ahun ngak siam sawmin.

8.Taneih ma Nupa lupna khatah lupkhop pen angei na hi.Ahi zongin Tangek nei ih hih leh Pasal pen ana sep hun te ah tuam lupsak lelin.Na Pasalin Zilehtate hong khualna in sunin na sep gim ahih manin,Tano te acit loh hunah Pasalin ih mut hong cim kei leh sun na sep hong gim lua ding ahih manin hih pen telsiam lecin na Pasal na khualna na itna leh Nupi picing khat na hihna kilang hi.

9.Nupa lup khop lohna ahang zong Tate tungah hilh cianin.Hun khat ciangin tate hong gol dinga, kiten tung bang mahin Nupa na lupkhop hunuh hong om kik ding hi.
10.Nitak lupma thungen khawm.Tua khit teh lupna ding tekah zuan ding.
11.SumlehPaai zeekna ah Inn Nupi ten Sum na letzawk leh SumNgahna,Zatna,Om lai zah LaiBu(NoteBook)khat nei hamtang in.Na Pasal,Zi theih lohin Sum zangsim ngei keiin kilem na om zaw hi.Tua banah deih khempeuh leilo in kitang sap lei masak dingngaihsun khawm masa denun.

12.ZinlehLengla na neih ciangin telsiam sawmin.Pasal te sangin Nupi te mah lengla muak siam leng ih leng la te suak ta zaw hi.Vai thupi nei ahong pai ahih leh na Nupa un huh theih bangin huhding.Ahi zongin vai thupi neilo,Na Innkuan na Nupa kaluh hong buai sak nuam te pilvan huaihi.Na Pasal hawm thawhna kam hong gen pihte um kha leh thu kuppih ngei keiin.Na Zakkhempeuh na lungsim ah na koih leh na Pasal na hawm thawh den dinga,Sunhun,Zanhun te ah nop na sa ngei kei dinghi.

Ka nun takna ah ka zatsa leh zat laiding mabanah kihawm sawn zelni.Hoih ih sak khempeuh kizui zo kim lo a,ahi zongin Thungen in Topa mah kima kaih sak leng damdamin hong gual zawh pih zelhi.Ka lawm It Nupi khempeuh tungah nuntak na kilam thakna khat teitei Topa'n hong neih sak ding ka thungetna ahihi.

Lungdam
Gelh:- Huainu Nu


Tuesday, February 13, 2018

ZITE ITZIA DING


ZITE TUNGA PASALTE GAMTAT ZIA DING #(Zite Itzia Ding)

1. Nazi thu na hilh ciang in awkhauh tawh taingawh kei in. A lungsin na liamsak kha ding hi.. Paunak. 15 : 1.

2. Nazi mawhna leh khialhnate midangte tung ah gen kei in,na gen bang in nazi mite in mukhial kha ding hi. 
Piancil 2 : 19.

3. Na zi tung ah na itna leh na deihsakna na kilat sak bangin numei dangte tung ah zang peuhmah kei in.Tuabangte in 'Angkawmna mawhna' lianpi a hi hi.
 Matt. 5 : 28. 

4. Nazi pen ama zakin numei dang tawh teh kei in. Tua numei dangte in na zi sang thupi zaw kha mah in teh, a hih hang na zi pen nang ading a Pasian in hong piak hi cih phawk tawntung inla, amah it pen in nei in, a kisapna ah itna tawh thuhilh zaw in.2 Kor. 10 : 12.

5. Na zitung ah itna leh deihsakna tak tawh a kisap bang bang hihsak in, tua hileh na kisap itna atam zaw hong pia kik kik zaw lai ding hi. 

6. Na zi pen thu nengno hangnin gensia sia kei in.A lungsim na in nang tung ah lametna hong bei ding hi.Ki niamkhiat tak leh itna tak tawh thuhilh in pantah zaw in. Eph. 4 : 2 

7. Na zi tung ah bang mah ipsim nei kei in. Note pumkhat na hi uh a, a kisapna ah mapangkhawm leh a kihuh tuah ding na hi zaw uh hi.Gen. 2 : 25. 

8. Nazi a taksa amel pianziate ama maiah gensia peuhmah kei in, A taksa leh a melhoihna , a lungsim khempeuh nangmah in naungek bang in na kep na khoi ding in, phaltak in nang tungah hong kipia khin hi.  Paunak 18 : 22 

9. Midangte mai ah na zi tai in awkhauh zangh kei in. Thuhilh nuam na hih leh na lupna khan sung ah nogel bek na om ciang bekin itna tak tawh thapia in thuhilh in. Matt. 1 : 19. 

10. Na zi' taksa leh a melhoihna ah lungkim in, itna tak tawh kem inla a tek ciang dong itpen in nei in. Eph. 5 : 29.

11. Inn sung nasep leh a kisam bang a sepna hang in lungdam ko in phatsiam in, tua asep khempeuh nang ading na thupi mah mah a sem a hi hi.1 Thess. 5 : 18.

12. Anhuan mehbawlte a vekpi in alim pen in bawl thei kimlo hi cih thei in la(na zi pen anhuan mehhuan siam man a na ten pih hilo), a mehbawlte phatsiam.inla limsa tak in neksak in.  Pau. 32 : 4. 

13. Na zi tawh pumkhat na hihna phawk den in. Na zi pen nang tawh pumkhat suak ding in na khempeuh nusia in hong ki pumpiak hi cih phawk den in. 
Gen. 2 : 24. 

14. Na zi' hong itna a kip sem sem na dingnin na itna tawh tuam lum sem sem in. A kisap leh a deihte leisak lecin a lungkimna leh lunggulhna pen nang tung bek ah kinga sem sem ding hi. 
Eph. 5 : 26. 

15. Nazi pen Pasian biakna leh Lai Siangtho simna, thungetna neih pih den den in. Zekhriah. 5 : 16. 

16. Na zi pen kimawlpina (sport & game) neihpih zel in la, a lawmte tawh kikholhna lungkim sak in. A lawmte pen nangtung ah khasiatna hong tun thei ciang bek hikha ding a, na zi ahih leh na han mual ciang dong kap in hong zuiding na zi bek mah a hi hi. Pau. 9 : 9. 

17. Nazi hoihlohna leh kisapnate gen khia kei in, nangma' minsiatna ding a tangko na hi lel hi. Na zi pen kem, humbit zaw in, amah pen na taksa peeng khat a hi hi. Eph  5 : 30.

18. Nazi' nu leh pa te zahtak in pahtawi siam inla, a unaute tung ah na itna leh thukhualna kilang sak den in.

19. Nang a dingnin na zi in a nisim nuntakna a zatna hang in  na itna pen lungdam maitaitak takin a tung ah kilangh sak in. Zite in itna awkhum a zak uh ciang in a nuntakna lungdam in atawl uh dam zung zung hi. Eph. 5 : 25. 

20. Na zi na itna thu ah Zeisu bang in khang sem sem in (Luke 2:52). Tua in mihoih na hihna leh na zi a ding in PASAL HOIH na hihna lampi a om sun a hi hi.

    NA ZI LEH NA INNKUAN  HUBIT INLA, A THUPINA  MI KHEMPEUH  MUHNA AH PHOLAK KHIA IN.. TUA BANG MAH IN NUMEI KHEMPEUH TUNG AH NA ZI NA ITPEN ZIA KILANGH SAK IN.
TOPA THUPHA. 

Source.Nupa Nun.

Wednesday, February 7, 2018

MAKAI ZUIHHAK IHCIH KUATE HIAM

Makai ZuihHak Ih Cih KuaTe Hiam?
~ Siama Vung Zam Cing
Tuteng manglai tawh ki at makaih zia tampi ka sim2 aa, keima mimal nuntakna tawh ka et kak ciang in ka phawk khak thu tampi ong om hi. Mikang te ki makaih zia khempeuh ei aa tawh ki tuaklo zong tampi mah na om hi. Makaih zia zong a nam tuam2 in om to sawn2 lai hi. A hoih pen leh ei makaih mipi tawh ki tuak pen makaih zia pen bang nam a hi tam maw ci-in ka lungngai2 hi. A tak2 in Zeisu makaih zia mah a zuih tak leh etteh tak aa, makai picing ih suah nop leh a suk a to ah Zeisu khekhap mah ih zuih ding a hi hi.
Thu ngaihsut huai khat ah makai picing ding pen ki hamsa mah2 hi. Makai khat in makai picing a hih na ding in a khantawn mah in a thalawh kul a hihi. Mi khat peuh kiang ah sal gega aa, “KEI nong zuih ding hi, KEI na makai hi- ingh,” cih gum pen ong lem khin sam nawnlo hi. A diak2 in thu-um mite ki makaih na-ah makai zuih hak ka sak mah2 a nam2 in pawl khat kong at nuam hi.
1. Khasiangtho tawh ki dimlo makai
2. Vision sangpi neilo makai
3. Thungen zolo makai
4. Pasian kammal tawh a nungta lo makai
5. Amah bek pil a kisa makai
6. Mipil te neusek aa, mihai teng a liansak makai
7. Ama aituam phattuam na ding bek sun leh zan aa a ngaihsun aa a geel2 makai
8. Khial a kisa ngeilo makai
9. Amah bek Pasian zah aa biak ding leh mai-et ding a ut makai
10. A ki phasak makai
11. A lungtom makai
12. A thungaihsut na (logical thinking) sang in a emotion or feeling (ခံစားခ်က္) a thupi sak zaw makai
13. A seppih te ki pumkhat ding a kihta den makai
14. Gensiat na leh kosiatna thuak lah mah2 na pi-in mi a gensia tang2 makai
15. Mentor neilo makai
16. Pawlpi mimal sang in Biakinn (building), sum leh paai, min leh zaa a it zaw leh a thupi sak zaw makai
17. A co-workers te a simmawh den makai
18. Transparency (ပြင့္လင္းမႈ) neilo in, a ki neih khem den makai
19. A gilo makai
20. Pasian min paulam in a ut bang2 sem in a pau giap2 ngam den makai
behlap: 21. A seppih lawm leh gualte amuang zolo makaite (Kei)
Note:
Ih nung ong kizuih ding ih deih leh zuihtak leh zuihngam aa ih om ding ahi hi. Kha thu leh leitung thu kician tak aa khentel aa ih makaih ding pen Pasian deih na lianpi zong a hi hi.


Thursday, December 14, 2017

KHRISTMAS THUPHA

KHRISTMAS THUPHA
Jesuh hong suahna pen Nang leh kei ading liau2 ahih manin Zomite aw lungdam mah2 in!
Jesuh hong suak kei leh Zomite Pasian in hong theikha lo mai Ding hi. Jesuh hong suahna-in Leitung mi khempeuh hong huam hi!
Nang leh kei a niam mah2 hong huamkhak nadingin Topa Jesuh in aniam pen2 na munteng hong tel hi!

1. Bethlehem Leitung ah aniam pen2 na mun! Leh khuata pen mun!
2. Bawng an nekna kuang, Bawngbuk mite utlohna mun
3. Mite lipkhap mahmah Singlamteh!

Bang leh kei amah tawh ih kibat theihna dingin ei pawl tunzawhna ding munte hong tel hi.

Israelte a Ding bek hinawn lo in a Um mi nang leh kei ading hita hi.

Tua ahih manin na lungtang Tung/sung ah amah suak sak in koih in!

Taksa, Kha na damna na hauhna hong hi Ding hi.
Christmas tawh hong tawnkhawm thuphate in na Innkuan le mimal Tung hong tungta hen! Amen.
Lungdam 
Siam Khaute 111417


Sunday, December 10, 2017

ISRAEL LEH TRUMP

Trump leh Israel kizopna Number 7          
Ni thum ni in U.S. President Trump in Jerusalem in Israel Khuapi,capital hi ci in pulakna nei hi.Hih thu tawh kisai in tha a pia zong tampi a om mah bangin a gensia,a lang pan zong honkhat mah om hi.Hih hangin middle east gam ah gal piang ding hi ci in zong ki patau mahmah hi.        

 Tu laitak a Israel gam in 14th,1948 kum in a piang hi in,U.S.President Harry Truman in tua ni mah in kipsakna na nei hi.2018 ciangin Israel gam in kum 70th a cing ding hi ta hi.Tua tawh kituak to in U.S. President Donald J. Trump in tutung in Jerusalem in Israel Khuapi hi ci in pulakna nei hi.Tua tawh kizom in U.S embassy Tel Avi pan in Jerusalem ah tuah ding ci in gen hi.Hih embassy pen May 14th ah kihong zo ding hi ci hi.Tua ban ah Trump in Jerusalem in Israel Khuapi hi ci in a pulak ni leh 1947,UN General Assembly in Palestine tawh gi khenna a bawl hun Hebrew calendar ah 17th,Kisler tawh kituak lian hi ci uh hi.
      

   2017 in 1947 pan in kum 70th lian hi ta hi.Babylon gam a saltanna tawh ki gen kak thei hi.Babylon ah kum 70 sung saltanna hun Cyrus my pi pa hong khan ciang in bei hi.Tua zui in mitampi in Trump pen modern day,khangthak Cyrus ci uh hi.
        

Donald Trump in President a ngah hun leh Israel Prime minister Benjamin Netanyahu in a sep zawh kum 7,kha 7 leh ni 7 ni tawh kituak hi.
        

Trump in full time in kumpi sep a kipat ni leh kum 70,kha 7,ni 7 a phak hun hi in Hebrew calendar 5777 tawh kituak lian hi.
      

  Israel gam in suahtakna a ngah kum 14th,1948 ma ni 700 lai in Trump suak hi.Trump a suah zawh ni 777 ciangin Israel gam in ni 77 upa ta hi.Donald Trump kum 70 a cin ni a kipan ni 70 ni ciangin Israel gam in kum 70th a cing hi ta hi.



Lai gelh: Lian Khaw Pau
Manglai pan a tawmkim a, a laksawn hi.

Isreal pen kum 70 ta ciang thulam dang piangden ci hi.

Monday, November 27, 2017

NUPA KITOT KISEL CIANG KIDOPHUAI KAMMAL

Nupa kikal kitot, kisel ciang a kidop huai kammal.
~~~~~~~~~~~~~~~~~~~~~~~~~~~~~~~~~~~~~~
Lei leh ha zong kipet thei ahih man in, Nupa i cih in a kitawng, a kihau thei mah ahi,hi. A hih hang in tua bang hun ciang in kidop ding leh zatloh ding a kul kammal te hih a nuai a bang ahi hi.

1). Midang te muhna zakna ah ki tawng lo ding.
Pasal pawlkhat te in lengla om khawng ciang in, a zi te uh tawng gawp thei hi, tua bang hun ciang in azi in zong dawng kik a hih man in ki tot na piang hi. tua bang hun ciang in Numei in lengla te ciah ngak in la, kuama om loh ciang in na pasal tung ah na lung kim loh na gen kik in. Innkong khak un la veng le pam te zasak mu sak kei un, bang hang hiam cih leh, Zi lel cih pen pasal te zakdah penpen hi a, a pasal in zothawh cih pen numei te a ding in veng le pam ah guallel maizum lawh uhhi., veng le pam te in tua bang kam hong pau kha uh leh Nupa ki kal ki tot na hong tam semsem ding ahihi.

2). Naupang te zak na ah kitawng ki sel lo ding
Nata te muhna ah kitot ki sel ding pen a hi theizah in kidawm in. Naupang te in Nu le Pa te pen belh le suan a hong nei uh a, a mau a it ding leh tha a pia ding a hong ngaihsun uh ahihan in naupang te lungsim ki sia in lung sim natna ngah thei uhhi.

3). Dam loh hum.
Hehna khat oeuh a om hang in na, nazi napasal a damlo ahih leh ki hauh loh ding thupi hi, bang hang hiam cih leh damloh lai tak in lungsim na baih mahmah hi, tua ahih man in a dam lo khat peuh tawh ki tawng kei in.

4). Kitot sim a , a beisa hun genkik den, na kiten ma a, a zawl lui te tawh tot bawl den, nidang a, a khilh na khat peuh tawh zawh thawh na a nei den, tua bekbek tawh gualzawh sawm den cih te pen, a sauvei ciang in hoih nawn lo hi, innkuan sung ah kilem loh na in hong zui den ding hi.

5). Naupang te guan beh,
Nupa kitawng na hih vua le Nupa kikal bek ah thu om sak un, a kisai lo naupang te hel se kei un. Nanu pen tua cih hi gilo lua, Napa pen tua cih tua cih hi, cih te pen ki dop mahmah ding khat ahihi. tua hi a naupang te hong lawh leh innkuan sung hong nuamlo tektek lel ding hi.

6). Van khat peuhpeuh susia.
Nupa kihau hi na pin innsung van khat peuh peuh susia cih pen gamtat hoih lo khat ahihi. Van khawng lawn gawp veng le pam in hong theih pih hen aci kek mah bang a gamta mawk, innsung van suksiat pen a phat tuam na khat zong omlo hi, tua bek tham loh in thu neu cik pan in thulian pi hong piang thei hi.

7). Khasiat na ding kampau lo ding.
Nupa heh a kitawng a hih nungsang heh na ding kammal pen a kizong tek ahihi. a hih hang in khasiat nading kammal ken ki dop huai mahmah hi. Hehna pen dam pah lel a, khasiatna pen dam pah zo lo hi. tua ahih man in kha siat na ding kammal pen a hi thei zah in ki dop ding a thupi a kisam a hihi.

8). Sih kam pau.
Kitot kihauh sim a hih bang nong bawl sang in hong that zaw vet in, si nuam ing, nang tawh a om khop sang in si nuam zaw ing cih te pen kampau hoih lo hi a, bang mah a kimanna om lo hi.

9). Khut zang
Hih pen bel pasal te a tam zaw hi pian hi, Pasal hoih khat in a it azi tung ah bang hun bang hun ahi zong in a khutlum nga ngei lo hi.

10). Kikhen ding kammal pen baih ngaihsut lo ding.
Kitot sim a, kikhen ding gen tahpai, kikhen nuam taktak lo pi a na gen kammal khat tawh nang le nang awk kik thei hi teh, tua bang kammal in na khantawn hong ki sik kik sak thei kha ding hi.

~ Job Cinpi

Source :
Zomi laisim nuamte

NUMEI TUNG A KINGA THU HOIH LEH ASIA

NUMEI TE TUNGAH AKINGA ; THU HOIH THU SIAA- #Zongeina leh lstho zui peuh un
************************************
Innkuan sung anuam sak leh Innkuan sung abuai sak Numei te hang ahihi 75% bangbel kei muh na ah maan cingam ingh.

Kikum suk ni Numei te hang a Thupha thusia apian na ..
ZOMI te i kam in Pawlpi in gupna / Vangam ong tun lo ding hi Pawlpi tawh ki khenkhen ding hilo hi ki ci tek hi.tua pen i kampi bek hi a I pawlpi tek i Upna tek mah aki thupi sak hi cih kei muhna tawm ong gensuk ning..

Numei ten na phawk ding uh leh na zuih ding uh thu pawlkhat ong gen nuam ingh. Pasal na neih uh ciang un na Pasal bang pawl bang biakna aihizongin ama athu mangin la ama i deihdan in om zawh sawm in .Pasal na neih khit uh ciang in Na Neutung pan a na zuihsa pawlpi up na mah len tentan khah nuam tuan lo in .ut lo pipi in kamnel leh zawhthawh na tawh na pasal no i pawlpi ah leh kaihsawm naih man un tua hangin na Innkuan sungvuah no hangin Buaina ong om hi .

Na pasal tawh no nih kikal bek ah tua buai na om lo in .na innkuan sungbup uh na teek nu na teek pa tawh zong kilem loh na ong kipan ta a na lawm pa leh na Teek nu na teek pa aki tawngsaksak asutuahtuah na hih lam kiphawk thei hi le cin ong deih sak mahmah ingh..

Tua aih manin Nungak khat in lawm na ngaih uh ciang in na lawmpa Biakna Pawlpi thei masa in la  amau biakna/ Pawlpi na zuihpih zawh ngap kei uh leh ahun lap in kikhen zaw lel un. Zuihpih zawhngap mah ing ci a na khensak ahih takpi ahih leh na kiteen khit uh ciang in Pawlpi Biakna vai ah na Innkuan sung buai sak ken la na Pasal cih bangbang man zawhsawm pah in.Numei te i nasep in Pasal alungkim sak leh Innkuan sung anuam sak ding ahihi.

Etc...Lawm kingai mahmah khat om hi ci .Ahih hangin Abiakna Apawlpi aup na  dan uh kibang lo aih manin .alawmnu in apawlpi kibat loh na hangin alawm ngaih pa kiangah Ken no biakna na pawlpi uh ong zuihpih ngap keng cin ong kikhen uh hi..Hih pen thupi zaw lai hi kingai mahmah na pi un cin Pawlpi tawh aki kang kawmkawm a na ki ten uh sang ahunlap a na zuihpih zawh ngap keh siangtak in gen le cin na Lawm ngaih pa ading in amailam ding hoih zaw pek a nang ading in zong hoih zaw pek hi..

Nupi te kisap na zong tawmcik gensuk ni.Nupi ten ah a Tapa te atanu te uh amau deih sak tawh akiteen loh ciang in heh gawp pong mawk in Atapa khawng mudah gawp om thei hi.na sungpan a piang na Tapa na tanu it na zawhkei leh mi dang te tanu ahi midang te tapa na Monu na Maakpa bangci It theih ding na hiam .tua aih manin na Tapa na tanu mahmah it zawh sawm le cin na Monu na Tapa na itna hangin na maak pa na tanu na itna hangin It zo veve ding hi hiteh..

Hih bangteng naupang no khat in kong at hangin Zi nei zong hi nai lo hing.ahizong in ZOMI te Innkuan sung buai na pen atamzaw Pawlpi Biakna kibat loh na hang in Teek te leh Mo te kilem sa lo lua ka hih man in kei muh na ciang ong at ka hihi .kei Ong ngai ding te inzong thei leh ka ut na kawm hi hee

Hih ka lai at teng na sim khit ciang in Numei na hih leh LST sung aa Esther Kumpi nu bang in ama melhoih na hangin abeh aphung a Mipih te tungah thupha abawl mah bang in nang zong na hoih na hangin Na Innkuan sung anuamsak na na behna phung na Mipih te tungah Thupha abawl thei ding in Topan thupha ong pia suk lai ta hen..Lungdam.
Zomite  ngeina zui peuh vua, Lstho cihdan tawh!
Credit:Nkt Kimpu
Nov2717