BANG CI IN NGAIHSUN NA?

BANGH CIH NGAIHSUTNA?

Banghang in Zomite Leitung mun tuamtuam ah mite sila dingin ei leh ei kipiatawm in ki thehthangmang ihi hiam?

Banghanghiam cihleh nang leh kei ihnuntakna ah Pasian Thupiakte zuilo, PASIAN THU donlo, kihtalo, awlmawhlo-in ih omna hang ahi hi. Ngen ding tampite lak ah khat en ziau leng, a theikhial ka hihkei leh 1980 kiimpawla Biakna sia pawlkhat in ih “Topa Zeisu” phawk tawntungna leh thupha ngah nading lametna hingel dingin um ingh in, Thungetna tawh ih Zogam ah Mualsang pen ahi ThuamVum (ThaangMual) dawnah Singlamteh hong phutin, 1995 kum in tua singlamteh Lutol kumpi-in hongphuuk ding takteh Kha lam thuthei biakna sia pawlkhat hong lunghimawh in hihpen niala do dingmaw, koibangh hi ding? ci-in Siampite aki dot takteh Tedim sia Khat in Rome 13:1 na-ah hong uk kumpite thu namang un! hongci ahihman in langpang keini ciziauhi kici hi. Asihpih ngamlo ding in atungin phut kei ta hoh leng Pasian muhna ah siangtho zaw hoihzaw mah ding hi veh hang maw. Ih Topa in nang leh kei hong itna hangin anuntakna hongpia in en ama ading banghmah pia gamlo, thuak gamlo maw! Upna tawh aphuh uh hinapi’n, tua kumpi te bawlsiatna thuaka Thupha ih san sang aci kik maw, ahih kei leh tua sing lamteh mi’n zongh phut ahih teh ih zogam zepna in koih pongleng aci maw? asihpih gamlo, anung azui nuamlo ding in bangh hang phut se, Hih bek zongh hilolai in mualcin mual tang teng ah thusuak tawh singlam teh kiphut kawikawi in puahlah puahlo in gam khaugui  khuhcip sak, mei kangsak in ahol deihin ih kitawt lawh zawsop lai deep; hihbangh tawh Topa thupha ki sang ding in

ih ki lamen gam takpi hiam? Ih upna leh ih gamtatna te pen lametna a omlo dawibia te sang in ginalo zawlai ih hihman in Pasian hehna athuak ihizaw gige hi. Tuaman in Ute Naute aw ih mawhnate Topa tungah sunga pulak in mawhsut lehhang aman hongdawng in ihgam hongselkik ding hi.  Singlamteh hong kisuksiat ding takteh thuak zawmai ni ihcih hithiat hiveh aw Topa mai ah apoi pen pen. ih sihpih gamloh dingpi banghhang in phut ih hiam? Huih i mutpaih, amathu a puuk, ahihkei leh thungetna tawh ki botkhia kik cih khawng hi leh bel phamawh  kei,  milim biate’n zawhthawhna leh simmawhna tawh abot kek hiveh aw, tua in ih Topa milim biate nuai ah ih omsakna ih guallelhsakna hi gige ahih manin tualai santakpan in Topa hehna hong ki pan hi..  Tualaimun tek tek

mah ah Siitii hong phut uh hi. Angei khawngah alam hileh zongh poi kei; ei ah botkek aa amau ah alam uh hi veh aw apoi, ih Topa ih guallelh sakna.. John 1:1 Thu in Pasian ahi hi. thu tawh nungta lo, thu mulo akipha sak ei Zomite pil in Pasian zia thei leh hang ih dinmun pen dipkuat huai, dah huai mah mah hi. Pasian zia tawh ih Zogam galet leng khitui luanglo kuata om ding hiam? Na khi tui aluang nai kei leh LAISIANGTHO simpha mahmah in thu hahnget mahmah in maw, Topan honglak ding ahi. Laphuak siampa in tua singlamteh pen ka kisaktheihna hi naci hi. Singlamteh pen ei Christian te ki ciaptehna symbol khat maimai banghin ihzangkhai ngaihsut manin tu-in nang leh kei in thuaklawh hi hang!

Pasian ki umsak mitampi takte leh Politic mitam pitak ten hihtawh bang kisai laizang a hiam? Hong cilai deep uh hi. Laisiangtho pen kizep nading hilo in simding leh asunga om thute Pasian kammal avangnei mah mah ahihman in zuihding ahi hi. Aneih tawh thupha ki sanglodinga simna, theihna leh zuihna bektawh Pasian in hong kamciam thupha tul sagih (7000) valte ki ngahthei bek dinghi lawm aw. Tua ahihman in kha paizia natheih nading in Laisiangtho nasim leh akisaina na mukhia ding hi.

Tulaitak hong uk Kumpi te’n aBudha Dawite khamit tawh kawlgambup hong la-in Dial (Flag) tungah siangtak in ki mu thei hi. Star Aksi khat atuangsakna uh leh tua kilthumnei dawn aa akual khat  ompen gam khempeuh lak zawhna etsakna ahi hi. Hih pen Maha Bhanduhlah hunlai a agamlak dan thusim ahong zatkik uhi kici hi. hih zongh Lutol phungzii te’n khamit tawh kawlgam lakzia ding amuh bangha angenna tungtawn a Kumpi ten a hongsem, uh ahi hi. Budha ten zongh khamit tawh kawlgam hongla uh ahih leh tuhun a ih biakna siate leh minam adinga nasem te ki el lo aa hong sepkhop hong pangkhop mah mah ding uh ahi hi. Laisiangtho sim a khamit hong muh dinguh ei zomi te sungah ih kitang sam mah mah khat ahi hi. Pasian in Israel te Egypt gampan alak khiat in Kha lam ah makai ding in Aaron tel aa, taksa lam ah makai ding in Moses tel in anih un aki thuah uh ciangh matut gualzawhna ngah uh hi.  

Hihbangh in Lutol Phungzii ten hih singlam teh susia leng khamtung gam ah Christian beiding uhi cih khaamit tawh na thei-uh ahihman in ei-ah susia in amau-ah Siitii phuhna tawh Budhah gam hong kekkek uh ahihi.Tuathu theilo aa ihawt buabua ngam pen amaizumhuai mahmah khat ahi hi. Na nuih nuih sungin nagam leh na biakna na mangsuah nading hong kipan pan ta ahi hi.

Ahih leh tua Siitii ah dawi om maw? Om mah lo ding maw lawm, khang tangthu sung leh Kumpite sung sim leh hang ki mu thei hi. Pasian in keimah longal Pasian dang nabia keiding uhi. Pai 20:20  Kumpi David nunga kumpi hong semtote en leh hang Hezekiah (2kumpi 18:1-8) leh Josiah (2kumpi 23:3-8) cih simloh mual cin mualtang tenga Baal milim biakna, Asherah milim biaknate a awm man in Pasian hehna thuak den uh hi. Eziakiah leh U ziah te in Pasian nung azuih tinten manin akumpi gam kip a amau uk hunsung daihna, kilemna hong om in kuamah Topa tung ah khiallo uh hi.

Ahih leh eite khialhna hang leh eite lampialna hangin ihthuak gimnate atom in kikum to leng aive maw lawm natheihnai keileh; 1965 kiimpan in CNA Chin National Army te khuai bangh hong hanna hangin kumpite tawh akikal ah ei ki tangciak. Vansial, Paak cih te hong kideihna hangin singkung kiphuukin guahtui hong tawm. Kumpi te hong sual/gilo deuhdeuh uh. Zogam a Tuiphum pawlpi kitam kham. Ihgam ah Budhahte hong pungin phungzii sang khawng hong omta. Mun tuamtuam ah budha biakna hong kipan. 1997-98 sung Chhurachanpur ( New Lamka) ah Ei lei ei tualgal hong piang, 2000 kim a kipan gamdang Foreign refugee ci in lam hong kihongin ei leh ei sal dinga ki piatawm. Kum tulnih 2000 nunglam ah Meitei tapungte kumpi tawh kiho in ihgam hong luah in mitampitak in ngentheih lawh banah sihlawh lai lai. Ihgam ah zavom hong cingna hang un Zomi khangno tampitak in puklawh in kawl kumpi kipak mahmah. Nang lah na vengpa mudah leh haza-a buai mah mah lai. hihbangha ih thuakna in Pasian thupha asangte ih kicigam diam? Laisiangtho sungah gamdangte sila in kong piadingaa, na minam bupun kong lawnthal mang dinghi ci aa Israelte tungah pasian in angen pen tun eite tungah zong hongtung taktak ta ahi hi. Israel te thupha apiak mah banghin eite zongh hongpia-in athu amanloh hunuh ah ahathuak mahbangh in eite zongh hong thuaksak in hongmap tuanlo hi. Atelsiam tek dingin Topa’n Thupha hong pia tek ta hen.     

Hih tawh kisai theih ciannop dotnop naneih uh leh  Ph:8130360131  

A kiu khat pan Zogam Zomi azunnuam den Tg. Thawng Mang                      

                                                                                                                                                                                                                                                                                                                                                                                                                                                                                                                                                                                                                                                                                 

ZO PAUNAK HOIHTE

PAUNAK

 1. Akpi nawi hawm.

2.  Aaktui suam leh sila suam.

3.  Aakpi khuan hang khuavak lo.

4.  Aakgeh tuahloh zawngkhaal.

5.  Aakta duhgawl kilawhkhup.

6.  Aak khaguhin saipi man.

7.  Aak ta mangkuan kitutu.

8.  Aak ihmu bang.

9.   Aak eek kawi nuihsan.

10.  Aak ekkawi lawng ngam, suangtaat saatngam.

11.   Aisa longeek aa zol.

12.  A si masa puantuam tang.

13.  Aikua han, tapkual han.

14.  Baaltehtung tuisun.

15.   Baak bang.

16.  Baakvat bang.

17.   Bangkua kanzo gatang thawl.

18.  Beel gongheek leh thei va tuk.

19.  Boih in kamei atun ciang tong ning ci.

20. Beli pakh.

21.  Beli thoknawn gahpha.

22. Buipi suangzula tuak.

23. Buipi lei kei zong khua ngai.

24. Bui phakkuan aa tawp. 

25.  Bokbawn leh mantaa.

26. Bilvuhloh.

27.  Ciahkuan baal em.

28. Ciamnuih gaal suak.

29. Cici tavakh.

30. Ciimnuai ah sa kibak,

31.  Geeltui ah thuk.

32. Cinana sihphuut, veih suaksuak ek in zom.

33. Ci omlo sa lim lo.

34. Dahpa taptung kal.

35.  Dahpa Kawl khuang.

36. Deihteel vaal.

37.  Deeklam tuktuk zong gaal suak.

38. Duh omna leh ngaih omna.

39. Duhop samal man

40. Gangmuan bang.

41.  Gaallu kihta gaallu tuak.

42. Gangpil leh uipil kiman zolo.

43. Gip zong leh khuai zong.

44. Gilpi leh sakhau.

45.  Hausa sialkhau let or Hausa sial mei let.

46. Hausa tel in kuangzawn ban.

47.  Hausa thu leh Naupang thu.

48. Hakai pahtak lung heng.

49. Hikpi cihkhap zong nuamtuam.

50. Humpi gilkial in piaunel bak.

51.  Khatlah katem, khatlah kapaai.

52.  Khatvei leh simsing pak, khatvei leh zosing pak.

53.  Komkim tapasal sagih nei zong nuakik.

54.  Kamsiam siallei saang, kamsia in siallei loh.

55.  Kawl zong tuidamin kiho.

56.  Kawlmangpa thu aakpi'n phiat.

57.  Kawlgit suluk.

58. Kauphe a sihnangin kungmui zuan.

59.  Kaunei kisungsia. 

60. Khau saulua kikai awk.

61.  Khaikha agui ah gah.

62. Khuanung thutheih sa nua kap.

63. Keel tat nua aa keeldai kai.

64. Kawlzawng naipuan teeng.

65.  Lamsak leh Pute kineek zolo.

66. Lawhsia leh zi khek ngeina.

67.  Leiluah suang luah bang.

68. Lawmngaih leh mei-am saa.

69. Lo zonkhelh kumkhat, zi zonkhelh khankhat.

70. Lam tom nuam kumkua aa tunglo.

71.   Lung nuntak.

72.  Ling khei bang.

73.   Mihing leh papo.

74.  Mizawng paau leh tuisung pau.

75.   Maitang singhawng belh.

76.  Meima lo ah tho tu lo.

77.  Meikhu paisuak.

78. Meima lian kideihlo.

79.  Mittaw sial khaulet.

80. Mu zong hamsia.

81.  Meikhu lian zuan.

82. Mimzang a lawi kai.

83. Mualmong aa meikai et.

84. Muhloh su bek kilei.

85. Mui zanglua kipeisat.

86. Miksi zong lubawk kiguan.

87. Mikhut aa gulman.

88.Mei awngkaal a nisa.

89. Meigong lung leh sazan taa.

90. Mawmaw thutah son.[Sihzang paunak]

91.  Nu leh Pa thumang nahlawh peek.

92.  Nahtang zong khil kinei.

93. Namtom khan leh tuita khan.

94. nauzaw ektum paii.

95.  Naupang silpak deih.

96. Nunglam sodawh.

97.  Nunglam mitnei. Numei thadah kungmui tu.

98. Nene puksi omlo, nelo sunggil kial.

99. Numei gilo in sukpum kuaitan.

100. Numei vaakhaat thusia zong.

101. Numei meisak aa mawh meikhangah tomlo.

102. Numei suutpom a vaal omlo.

103. Numei gilo phungkhen.

104.  Numei lo-in inn kisuang lo.

105. Numei khua leh sakhi khua.

106. Nupi gilkial in beelkek.

107. Naucing muanhuai awngah ta.

108.  Nupa lungtuak khuata zo. Na keel luphum.

109.  Ngal hapaksa tumkik lo.

110.  Pasan sialnek.

111.  Pathat tokhom guan.

112.  Pengpelek bangin tungnun kituh.

113.  Penglam ci sel.Pu lo-in Han tanglo.

114.  Phim leh khau. Phalbi zuau ngei lo.

115.  Phuluum phul nang leikha in petlet.

116.  Sakhi a pi san, a no san.

117.  Sakhi in a tat nang kuam kua khual.

118. Sa ahang sa-in si, galhang gal in si.

119.  Sialkop gosa zong kikhen.

120.  Siampi lo-in khua kisaat mawh.

121.  Sagil tatlo thu kiplo.

122. Sahang meilet bang.

123. Sahaang laang cin sangak zong laang.

124. Sahang in a gial zahtak.

125. Sakhi manlo ngaltang tum.

126. Sakhuai.

127. Sazuk kipuak.

128. Sihlah lel hinlah lel. Si leh hing kimu.

129. Sial nupa zong sihphualah kiliak.

130.  Simbeng zong kim ciciat tangzang kiguan.

131.  Sung in duh a laizom mel phawk lo.

132. Taangham kin.

133. Tagah nawi muh.

134. Tagah nuamsa gawldawnah tuang.

135. Tapa hawmthawh tualgal suak.

136. Tanu pahtak zawlgai.

137. Tangtel sihtan.

138. Thawlhawm agin ngeih.

139. Thadah hampat.

140. Tui leh nga, tuisung nga khiat.

141.  Tuipi luang dialdial in luang kua tai.

142.  Tui thuk lua tanglo.

143. Tui buasa kiluak thei lo.

144. Talzol zong.

145. Thallam cilsiat eimau tungtu.

146. Ui misi neek'.

147. Uipi leh saguh bawk.

148. Uita a tatna ah zual.

149. Uipi vakvai in saguhbawk tuak.

150. Uipi lengla zong nuamtuam.

151.  Ui in a luak nekik.

152. Uitui buak suah.

153. Ui meikang bang.

154. Va-aak utong aa kibawl.

155.  Vansam bangin bul neilo.

156. Vokkhial taivai in vokpi kuunngak suankhia.

157.  Vainung guahsia in lap.

158. Vutlak veih pek.

159.    Zawlgai masa in zawlgai nunung ko.

160.   Zawng in a khawn ko.

161.     Zawngha theilo zawngha hilh.

162.    Zawlthu kaalah sial thawl.

163.    Zawng khua ah hawh zawng neek' ne, ki khua ah hawh ki neek ne.

164.    Zawllui leh lamlui.

165.    Zawng lohun. Uipi sabeel cing.

166.    Zawlta khuasuak kuaman demzo lo.

167.    Zawlhel in sukpum tawi lo.

168.   Zawng in ne a ngau in thal puk.

169.    Zawhngeu taneih.

170.    Zing guahzu leh makthak si.

171.     Zum leh saili aa si omlo.

172.    Zu inzong a lawl sihpih.

src; zopoem

Thawn Tuang

BANGH CI-IN NGAIHSUTNA?

BANGH CI-IN NGAIHSUTNA?

Banghang in Zomite Leitung mun tuamtuam ah mite sila dingin ei leh ei kipiatawm in ki thehthangmang ihi hiam?

Banghanghiam cihleh nang leh kei ihnuntakna ah Pasian Thupiakte zuilo, PASIAN THU donlo, kihtalo, awlmawhlo-in ih omna hang ahi hi. Ngen ding tampite lak ah khat en ziau leng, a theikhial ka hihkei leh 1980 kiimpawla Biakna sia pawlkhat in ih “Topa Zeisu” phawk tawntungna leh thupha ngah nading lametna hingel dingin um ingh in, Thungetna tawh ih Zogam ah Mualsang pen ahi ThuamVum (ThaangMual) dawnah Singlamteh hong phutin, 1995 kum in tua singlamteh Lutol kumpi-in hongphuuk ding takteh Kha lam thuthei biakna sia pawlkhat hong lunghimawh in hihpen niala do dingmaw, koibangh hi ding? ci-in Siampite aki dot takteh Tedim sia Khat in Rome 13:1 na-ah hong uk kumpite thu namang un! hongci ahihman in langpang keini ciziauhi kici hi. Asihpih ngamlo ding in atungin phut kei ta hoh leng Pasian muhna ah siangtho zaw hoihzaw mah ding hi veh hang maw. Ih Topa in nang leh kei hong itna hangin anuntakna hongpia in en ama ading banghmah pia gamlo, thuak gamlo maw! Upna tawh aphuh uh hinapi’n, tua kumpi te bawlsiatna thuaka Thupha ih san sang aci kik maw, ahih kei leh tua sing lamteh mi’n zongh phut ahih teh ih zogam zepna in koih pongleng aci maw? asihpih gamlo, anung azui nuamlo ding in bangh hang phut se, Hih bek zongh hilolai in mualcin mual tang teng ah thusuak tawh singlam teh kiphut kawikawi in puahlah puahlo in gam khaugui  khuhcip sak, mei kangsak in ahol deihin ih kitawt lawh zawsop lai deep; hihbangh tawh Topa thupha ki sang ding in ih ki lamen gam takpi hiam? Ih upna leh ih gamtatna te pen lametna a omlo dawibia te sang in ginalo zawlai ih hihman in Pasian hehna athuak ihizaw gige hi. Tuaman in Ute Naute aw ih mawhnate Topa tungah sunga pulak in mawhsut lehhang aman hongdawng in ihgam hongselkik ding hi.  Singlamteh hong kisuksiat ding takteh thuak zawmai ni ihcih hithiat hiveh aw Topa mai ah apoi pen pen. ih sihpih gamloh dingpi banghhang in phut ih hiam? Huih i mutpaih, amathu a puuk, ahihkei leh thungetna tawh ki botkhia kik cih khawng hi leh bel phamawh  kei,  milim biate’n zawhthawhna leh simmawhna tawh abot kek hiveh aw, tua in ih Topa milim biate nuai ah ih omsakna ih guallelhsakna hi gige ahih manin tualai santakpan in Topa hehna hong ki pan hi..  Tualaimun tek tek

mah ah Siitii hong phut uh hi. Angei khawngah alam hileh zongh poi kei; ei ah botkek aa amau ah alam uh hi veh aw apoi, ih Topa ih guallelh sakna.. John 1:1 Thu in Pasian ahi hi. thu tawh nungta lo, thu mulo akipha sak ei Zomite pil in Pasian zia thei leh hang ih dinmun pen dipkuat huai, dah huai mah mah hi. Pasian zia tawh ih Zogam galet leng khitui luanglo kuata om ding hiam? Na khi tui aluang nai kei leh LAISIANGTHO simpha mahmah in thu hahnget mahmah in maw, Topan honglak ding ahi. Laphuak siampa in tua singlamteh pen ka kisaktheihna hi naci hi. Singlamteh pen ei Christian te ki ciaptehna symbol khat maimai banghin ihzangkhai ngaihsut manin tu-in nang leh kei in thuaklawh hi hang!

Pasian ki umsak mitampi takte leh Politic mitam pitak ten hihtawh bang kisai laizang a hiam? Hong cilai deep uh hi. Laisiangtho pen kizep nading hilo in simding leh asunga om thute Pasian kammal avangnei mah mah ahihman in zuihding ahi hi. Aneih tawh thupha ki sanglodinga simna, theihna leh zuihna bektawh Pasian in hong kamciam thupha tul sagih (7000) valte ki ngahthei bek dinghi lawm aw. Tua ahihman in kha paizia natheih nading in Laisiangtho nasim leh akisaina na mukhia ding hi.

Tulaitak hong uk Kumpi te’n aBudha Dawite khamit tawh kawlgambup hong la-in Dial (Flag) tungah siangtak in ki mu thei hi. Star Aksi khat atuangsakna uh leh tua kilthumnei dawn aa akual khat  ompen gam khempeuh lak zawhna etsakna ahi hi. Hih pen Maha Bhanduhlah hunlai a agamlak dan thusim ahong zatkik uhi kici hi. hih zongh Lutol phungzii te’n khamit tawh kawlgam lakzia ding amuh bangha angenna tungtawn a Kumpi ten a hongsem, uh ahi hi. Budha ten zongh khamit tawh kawlgam hongla uh ahih leh tuhun a ih biakna siate leh minam adinga nasem te ki el lo aa hong sepkhop hong pangkhop mah mah ding uh ahi hi. Laisiangtho sim a khamit hong muh dinguh ei zomi te sungah ih kitang sam mah mah khat ahi hi. Pasian in Israel te Egypt gampan alak khiat in Kha lam ah makai ding in Aaron tel aa, taksa lam ah makai ding in Moses tel in anih un aki thuah uh ciangh matut gualzawhna ngah uh hi.  

Hihbangh in Lutol Phungzii ten hih singlam teh susia leng khamtung gam ah Christian beiding uhi cih khaamit tawh na thei-uh ahihman in ei-ah susia in amau-ah Siitii phuhna tawh Budhah gam hong kekkek uh ahihi.Tuathu theilo aa ihawt buabua ngam pen amaizumhuai mahmah khat ahi hi. Na nuih nuih sungin nagam leh na biakna na mangsuah nading hong kipan pan ta ahi hi.

Ahih leh tua Siitii ah dawi om maw? Om mah lo ding maw lawm, khang tangthu sung leh Kumpite sung sim leh hang ki mu thei hi. Pasian in keimah longal Pasian dang nabia keiding uhi. Pai 20:20  Kumpi David nunga kumpi hong semtote en leh hang Hezekiah (2kumpi 18:1-8) leh Josiah (2kumpi 23:3-8) cih simloh mual cin mualtang tenga Baal milim biakna, Asherah milim biaknate a awm man in Pasian hehna thuak den uh hi. Eziakiah leh U ziah te in Pasian nung azuih tinten manin akumpi gam kip a amau uk hunsung daihna, kilemna hong om in kuamah Topa tung ah khiallo uh hi.

Ahih leh eite khialhna hang leh eite lampialna hangin ihthuak gimnate atom in kikum to leng aive maw lawm natheihnai keileh; 1965 kiimpan in CNA Chin National Army te khuai bangh hong hanna hangin kumpite tawh akikal ah ei ki tangciak. Vansial, Paak cih te hong kideihna hangin singkung kiphuukin guahtui hong tawm. Kumpi te hong sual/gilo deuhdeuh uh. Zogam a Tuiphum pawlpi kitam kham. Ihgam ah Budhahte hong pungin phungzii sang khawng hong omta. Mun tuamtuam ah budha biakna hong kipan. 1997-98 sung Chhurachanpur ( New Lamka) ah Ei lei ei tualgal hong piang, 2000 kim a kipan gamdang Foreign refugee ci in lam hong kihongin ei leh ei sal dinga ki piatawm. Kum tulnih 2000 nunglam ah Meitei tapungte kumpi tawh kiho in ihgam hong luah in mitampitak in ngentheih lawh banah sihlawh lai lai. Ihgam ah zavom hong cingna hang un Zomi khangno tampitak in puklawh in kawl kumpi kipak mahmah. Nang lah na vengpa mudah leh haza-a buai mah mah lai. hihbangha ih thuakna in Pasian thupha asangte ih kicigam diam? Laisiangtho sungah gamdangte sila in kong piadingaa, na minam bupun kong lawnthal mang dinghi ci aa Israelte tungah pasian in angen pen tun eite tungah zong hongtung taktak ta ahi hi. Israel te thupha apiak mah banghin eite zongh hongpia-in athu amanloh hunuh ah ahathuak mahbangh in eite zongh hong thuaksak in hongmap tuanlo hi. Atelsiam tek dingin Topa’n Thupha hong pia tek ta hen.

Hih tawh kisai theih ciannop dotnop naneih uh leh  Ph:8130360131  A kiu khat pan Zogam Zomi azunnuam den 
Tg. Thawng Mang