CONORAVIRUS TAWH KISAI THEIHHUAI THU LEH KIDALNA DING PAWLKHAT By: UNICEF

CORONA VIRUS VAI THEIHHUAI THU

#Corona virus lungno pen Cell diameter 400-500 lian a, Mask muktuam kibawl khatpeuh ah a virus tazolo ahih manin hoih lel hi. Zatuisai akizuak tampimante kisam selo hi. Muktuam khatpeuh hoih hi!

Alungno pen huihlak ah leenglo in leilak ah om ahihman in huihlak pan in kilawhlo hi

Corona virus lungno pen metal kici siknamte tung ah nai 12 sung bang nungta ahihman in ih khut saban tawh sawpsiang peuh leeng kicing mahmah hi.

Corona virus lungno pen puannamte tungah nai 9 sung bang nungta zo ahihman in puan saban tawh sawp siang, aihkeh nisa ah nai 2 sung pho leeng alungno kithatlum zo mahmah hi.

Corona virus lungno pen khut sung /vun tung ah minit 10 bang bekk nungtazo ahihman in zuhang nam kihel khut sianthosakna azuutte in dalzo mahmah lel hi

 Alungno pen asatna 27-37 degree Celsius ah sizo ahihman in khua lumna ah nungta zolo hi. Tuisa hawpna leh nisa aa kiphona / nisaham awina in thatlum zo mahmah hi.

Tua hi-a icecream / tuikhalmoh tawh kigamla in om aa avot neekloh ding thupi mahmah hi.

Tuisa leh citui tawh kam khuahna in tonsils (tawnsel) lungnote that zo mahmah in tuap sung ah alut-sukloh nading in dalzo mahmah hi.

Hih lamlahnate in corona natna pan kidalzawhna piangsakzo mahmah hi.

#UNICEF

Unicef says, 

 #Coronavirus is large in size, with a cell diameter of 400-500 micro, so any mask that prevents its entry does not need to be used by pharmacists to trade muzzles.

The virus does not settle in the air but on the ground, so it is not transmitted by air.

Coronavirus when it falls on a metal surface it will live 12 hours so washing hands with soap and water well enough.

Corona virus when it falls on the fabrics remains for 9 hours, so washing clothes or being exposed to the sun for two hours meets the purpose of killing it.

The virus lives on the hands for about 10 minutes, so putting an alcohol sterilizer in the pocket meets the purpose of prevention.

If the virus is exposed to a temperature of 27-27  C. it will be killed, as it does not live in hot regions.  Also drinking hot water and sun exposure will do the trick.

And stay away from ice cream and cold eating is important.

Gargle with warm and salt water kills the tonsils' germs and prevents them from leaking into the lungs.

 These instructions fulfills the purpose of corona prevention.

 #UNICEF

A takpi leh upmawh thu (Fact & Opinion) ~ Thang Van Lian

A takpi leh upmawh thu (Fact & Opinion) ~ Thang Van Lian

1. A takpi a piang thei thu (Fact) pen: Amun a mual, a phazah, ani a kha, a thu a la, a hang leh a pianzia cian takin kikan thei leh kigen cian thei thute hi. 

2. Upmawh a piang thei thu (Opinion) pen: Kici veh aw, tuaci thei kha ding… ci-in uang gen gawp, tawilawn gawp, behlap gawp, phuah tawm leh behlap gawp vive hi zaw napi a piang takpi thei ding dan a huzap gawp, lauthawngsak gawp, lung hiang sak gawp… cih dante hi. Mipi a huzap thei thupiang/thuthang/thukigen khat a om ciangin a takpi mah maw upmawh leh deihkaih, uang gen thu hi zaw… cih khensiam theih ding thupi mahmah hi.

Gentehna:

1) Tukum (2015) July kha pan kipan Tedim gam leh Tonzang gam ah antang a kipan nek le dawn, datsi haksa thei kha ding hi. Ahang in tuate hong paina lampi khat bek i neih sunsun min kicim a, mundang pan tu leh tu-in hong lut pah theihna ding om lo hi. Tukpi hun guahtui kiat hun ahih si tawh kha khat sungin lampi kibawl pha kik zo pak lo ding, cih kitel hi, kician sinsen hi. FACTS ARE CERTAINTIES.

2)Tukum (2020) March kha pan kipan US gam sungah antang a kipan nek le dawn, nisim zattawm vante haksa thei kha ding hi. Antang a kipan inn sung vanzat ding kiging khol un… ci. (Corona virus paulamin mi teng lauthawng sak, patau sak gawp in thukan lo, laisim lo teng leh khuak zang lo teng in um pah, linglawng pah seuhseuh. Lampi kicim/kikhak, khuahun sia, gal kidona nasia lua, cih bang prove nading athu a la lah om lo).

Mi khat in, “Nang lau lo maw, patauh huai sa lo maw… cih tawh hong nial nuam le uh lah hong nialna ding uh om sak thei ding uh. Ahi zongin kinial taktak ding hi le hang facts tungah kinga lo ahih manin hong pum nial gawp loh buang siksan nei thei lo, argument prove thei lo ding uh hi.

Mi khat in ko kiang Sam’s Club ah antang bei ta hi, ci-in Photo, news, video hong lak thei kha ding hi. Ahi zongin ama hong lah pen USA gambup Sam’s Club sumbukpi 662 bang a omna sung pan sumbukpi khat hi pan hi. Hong laktel thei mi 10 a om leh zong 10 hi pan ding hi. Sam’s Club sawm ah van bei leh adang 652 ah om lai ding a, amau vanlakna lampi min kicim in hong pai thei nawn lo ding, company zong khawl ta, cih bang a om kei nak leh antang leh nisim vanzat kisam hangin mipi patauhna ding om lo, cihna ahi hi.

US gam sungah nektawm ding leh inn sung vanzat kisam diakte zuakna Sam’s Club bekbek 662 (2018), Walmart sumbukpi 11766 (2018), Kroger 3514 (2019) om lai hi. A dang hi dante zuakna sumbuk tam cih takin tam lai hi. OPINIONS ARE DISPUTABLE.

Tua bang mah in nupa kal vai, lawm kingai kikal vai, teek leh mo kikal vai, makai khat leh khat kikal vai, Pawlpi khat leh khat kikal thute ah zong a takpi thu maw upmawh phuah tawm thu… cih khensiam huai mahmah hi. Lau pah laplap, heh pah baubau, patau pah daidai, um pah buatbuat… cih pen paikhialh ol mahmah a, Pasian um taktak lo leh laisim ngei lote dan hi zaw hi. 

By:- Thang Van Lian

Behlapna:- A lungpatau baihte kiginkholh theihna pin mi ih vaphonlau loh ding thupi hi! Lai simtam zong kisam hi! Khat bangin Sam club ah beita ci a nang deihte bei hilel ei kacihsan hi! 

COVID-19 TAWH KISAI HOIH TAKIN NASIM UN By: Cing Hoih

 Aki cian zaw in ah

Atawm pen 3 vei bang na sim vo

Zomi te lau pha deuh hang maw!

Guai hih anntang lei ngei ngai thu pen kua theih khak a hiam? Hih COVID-19 a cih Coronavirus thu tawh ki sai ka theih sun sun tawm cik hong hawm sawm nuam ing.

Hih natna pen a tam zaw ki up mawh pen mi khat leh khat kiang pan, ahi kei leh tua virus a om na khat peuh peuh lawn khak na pan ki ngah thei hi cih ki gen hi. Hih natna dam theih na ding zatui om nai lo a, ahi zong in natna ngah loh na ding a nuai a bang in ki kham thei hi.

1. Mi cina te tawh ki nai a om khawm lo ding.

2. Na mit, nak leh kam te lawng lo ding. 

3. Ci na nat a leh inn a tawl nga ding.

4. Na khuh ciang ahi kei leh na hahsiai (sneeze) ciang tissue tawh tuam ding a, tua tissue pen ninbung sung a paai ding. 

5. Inn ah na zat ngei deuh na neng neng te leh van a pua lam te siang sak den ding.

6. COVID-19 natna dan kilatna a nei te'n mi tung lawh lo na ding, mai tuam zang ding. 

7.  Ann nek ma, zunbuk pai khit leh na nap nhit (blowing your nose), khuh, ahi kei leh na hahsiai khit ciang a tawm pen seconds 20 sung, satpiang leh tui tawh khut sil den ding. A zen zen in satpiang leh tui om kei leh zong alcohol 60% a pa hand sanitizer zang ding. Na khut a nin a leh satpiang leh tui zang ham tang ding. 

Source: 

- https://www.cdc.gov/coronavirus/2019-ncov/about/prevention-treatment.html

US gam sung ah tu lai tak hih virus a nei pen mi 80 hi a, tua teng lak pan a si pen mi 9 hi ta hi. Oklahoma state lian ah bang bel tu ciang ciang tua virus a nei mi om nai lo hi. A nuai link ah CDC (Center for Disease Control and Prevention) te website ah ki en thei hi. 

Source:

- https://www.cdc.gov/coronavirus/2019-ncov/cases-in-us.html

US gam sung tu lai tak mi om zah pen 325 million hi a, tua teng lak pan Coronavirus hang a, a si mi 9 pha pan cih en leng US ah healthcare system in hih natna pen a zo mah mah hi cih ki mu thei hi hang. 

Source: 

- https://www.census.gov/popclock/

Tua khit ciang in US ah ann tang hong ki puak na gam a tam zaw pen Jasmine rice hi leh Thailand gam pan hi a, Basmatic rice pen India gam pan hi. Tu lai tak in India gam ah COVID-19 a nei mi 11-100 hi a, Thailand gam ah mi 101-500 ahi hi. A zen zen in tua gam teng ah tua natna hong tam leh mah zong, US ah rice supply hong tawm bek ding a, US kumpi te'n anntang import pen kham het lo ding hi. US ah zong anntang ki cing a hi man in, anntang ki ngah nawn lo ding cih pen a hi thei lo thu khat ahi hi. 

Source: 

- https://www.ers.usda.gov/topics/crops/rice/rice-sector-at-a-glance/

- https://www.who.int/docs/default-source/coronaviruse/situation-reports/20200304-sitrep-44-covid-19.pdf?sfvrsn=783b4c9d_2

A nu nung pen in, kumpi te hi ta leh CDC te'n official a nek theih dawn theih teng khol khawl ding cih warning hong pia nai kei ma siah tua zah tak a lung hi mawh huai thu hi nai lo hi. Ki gin kholh bel hoih mah in ahiang, ann tang leh tui khawng lei kholh liang ding cih zah a, US gam sung ah a lau huai natna hi nai lo hi cih deih sak na tawh hong gen nuam ing.

Credit lawm VS Lun

CONORAVIRUS COVID-19 PEN SUM TUNGPAN KILAWH THEI CARDS TUAM2Te pan

CONORAVIRUS TAWH KISAI KILAWH THEIHNA DING PAWL KHAT By: WHO and CBC

Tulai natna thang Conoravirus (Covid-19) tawh 

kisai in (Who) World Health Organization te in Kidop ding pawl khat hong gen hi!

Hih ih zatzat sum leh phone Credit Card or Debit Card van tuamtuamte tung panin kilawh thei ahih manin tuate ih khoih ciangin khutsil kik hamtang ding hi hang ci-in na gen hi!

Khutsil dan ding bel ih theihtheihsa hi in seconds 20 peuh mah satpiang tawh sil ding hi! Ahih kei leh Sanitizer  zang ding hi! 

Hih natna Conaravirus pen Pumpi sung ahilo apua lam vantung or Khan room lumsung ah ni 9 sung nungta hi cimawk hi! Tua ahih man an nek tuidawnnate leh annek ding ciang khut sil tangtang ding kisam hi!

Ih vanzat Cards leh phonete pen Sanitizerte tawh zut or sil pahpah ding kisap tuak hi!

CBCte in, NANG LEH NANG NA KIVENNA DING IN  hihdan in hihin ci.

1. Mi cina khat tawh kinaih lua kei in!
2. Na mit, na kam, na nak khoihkhoih kei hamtang in.
3. Na ci anop kei leh inn ah om hamtangin
4. Na khuh leh na hachiai ciangin tissues or dialneute zangin ninbawmah pai kik hamtangin
5. Inn sung sabuai , an huanna leh Van tuamtuamte akap sialsial asiansakna satpiang dante (Cleanning spray or wipe)tawh hahsiang nulsiang den in,
6. An nekma, zuntha, ektha, hachiai, khuh etc khit ciangin Na khut pen seconds 20 sungta sil den in .

Tulai natna Conoravirus bek hilo nisim in khuahun kikhel zui a natnate zong ih kidalna ding in hiteng mah akisam den hi!

Covid-19 pen a pualam ah leh khan lumsung ah ni 9 sung nungta ci ahihteh kidop huai mah2! Vante tung pan kilawh theih dan lampi gen mawk uh in van khat peuh2 ih khoihteh khut sil pahpah ei leh ei kikep mah2 ding kisam hi ei!

Zomite Topa Jesu Christ in hong kemciat hen aw! 

Deihsakna tawh :- Siam

https://www.fox5ny.com/news/contaminated-cash-may-spread-coronavirus-world-health-organization-warns

SUM TAWH KISAI GENTEHNA BY: Job Thawngno

SUM TAWH KISAI GENTEHNA BY: Job Thawngno 

1. Sum a zahtakte Sum in zuan deuh hi.
2. Sum pen a nei tuam om lo-in , a pai kawikawi hi.
3. Sum pen hong hawh , hong baang pak bek hi .
4. Sum pen hong hawh sung manpha tak zat theih ding thupi hi.
5. Sum pen Zindo lenglado i siam leh sawtvei khawl hi.
6. Sum pen i Gal lianpen leh i lawmhoih pen hi.
7. Nuntakna neilo na pi'n Mihing Ukcip zo hi.
8. Sum in kimuhdahsak thei , ki-itsak thei hi.
9. Sumin Misia phuah thei , Mihoih siasak thei hi.
10. Sumin Nopna , Dahna , Mun hoih , Mun sia bankim hi.
11. Mi pawlkhatte Sum in , Zuan in delh hi.
12. Mi pawlkhatte'n Sum nung delh hi.
13. To dingin hoih hetlo a , Sal dingin hoih hi.
14. Sum honglut nop ciang Khuavak ma in , hong phong hi.
15. A Pusuah nop ciang a kitomtom bang hi .

A Hunzui-in Nate leh atuamtuam kikhel by:- Tungg Thang

 Hunzui in nate kihei ~ Tungg Thang

Thu Masa :: I tung sunni pen ziingsang nai 6:30 pawl in nisuahna lampan in hong suak ciaiciai a, sun nai 12 hun laitak pawl pen a sat hun pawl hi in, nitak nai 5 pawl in nitumna lam zuan in hong tumsuk diaidiai hi. Tua khit ciangin khua hong zing in ihmu in itawlnga a nikhat in hong liamsan ahita hi. Tua mah bangin a zing ciangin ni hong suak zel in hunte nai khat khit nai khat, ni khat khit ni khat in hong bei toto ta hi. Mi hingte a khang cing kuan te pen a khan lam uh kithei khollo in a khang khang hi gige hi. Naupang te ahih leh ni khat khit ni khat a khanna uh kilangh mahmah hi. Tua hi in nau pang khat ulian a suah dong en ni ci lehang gen ding tam mahmah ding hi. Tua hi a hun icih pen mihingte uk zawh loh in a paipai ahih mah bangin, nate zong hun zui mah in na kihei toto hi.

#Ngeina Kihei

A diakdiak in tu hun ciangin khanglui thu gen lehang a zanuam kitam khollo hi. Tu hun a mawtaw tawh sang akah te a pi apu te’n ko hun lai in khe tawh a kikah tanghtang hi a, hampha tak uhciai ci kha ding hi. Hih thu pen a lamdang a bat teei hang a hun zui in a kihei thu ahihi. Yangon ah teeng in mawtaw tuanglo in khe tawh sang kah in kici leh a lamdangpi khat hong hi ding hi. Ngeina bangin a kilaih theilo thute nangawn tawmtawm kihei veve hi. Khuado pawi bang thupi isa mahmah a, ahih hangin nidang ate bawl bangin ibawlzo nawn kei hi.

Hih pen hun ii huzap mah ahihi. Ngeina hoih te pen ikep cing ding a thupi mahmah ahihi. Sanggam Laipian/ Siangsawn te bangin ingeina pen hong lamtoto in ngeina lam in hong laam ciang bang muh nop mahmah phial hi. Ahiang nidang lai a te om lai leh hih pen ingeina hilo hi ci ding hi. Hih sanggam Laipiante hong sepna uhpen thupi kei zong kici thei tuanlo hi. Zo ngeina ci-in TV bangah a pai ciangin sanggam laipiante vive hong laam uh a thupi mahmah hi. Hih pen ingeina hikei ci-in va khaktan zolo ding hihang. Bang hang hiam cih leh a hunzui a kihei laam ahihi.

#Pau leh La Kihei

Nidang in Tedim pau cih a om hilo in Dr. Khen Za Sian’ gen mahbang in (Zolus Journal 11) Tedim pau zong hong piangtawm pau ahihi. Pawl khatte’n hih thu theilo in a ki-Tedimsak mahmah bang om zen hi. Minam tuamtuam pau nam tuamtuam a kigawmteh tu a Tedim pau hong piang khia ahihi. Pau nangawn zong itheihloh kaal in ahun zui in a kilaih suksuk mah ahihi.

La zong tua bang mah in sanggam Laipiante’n hong puah in Guitar tawh hong thuahta uh hi. Nidang a Zola tawh a kibang nawnlo hong tamta hi. Nidangin Zola pen khuang leh sialki bek tawh a kithuah hi a, tuhun ciangin Guitar zong tawh kithuahta hi. Hih te khempeuh zong a hun zui a kihei na mah ahihi. I Zolai a bawl khia pa pen Rev. JH. Cope hi a, ama gelh dang pen tu ni ciang dong kizang saamlo in tawmtawm in kihei hiamhiam ta hi.

#Pasian Kihei

Pasian na ngawn ahun zui in a kihei mah ahihi. Leitung piancil lai hun in mite in Pasian na kihta mahmah uhhi. A min zong na lo ngamlo uh a, a min hem bek in na gen uhhi. To thum Pasian (Trinity) mahmah en lehang, a masa in Pasian (Pa hun-Thukham hun) cih bek a kithei hi in, tua hun lai a Pasian’ thupiakte mihing te in zui zolo mawk ahih ciangin Pasian in lam khat hong hong hi. Tua hi in hunkhat ciangin Pasian takpi mi bang in hong piang tazen hi (Tapa Zeisu hun-hehpihna hun).

Topa Zeisu hong pai lai in ama hehpihna a ngah kha mi tawmkha bek om in leitung hong zelh zolo hi. Topa Zeisu zong ama’ hun lai in Galilee kiim bek ah kileh a hun bei ahih manin mundang gam dang hong tung zolo in Pasian in a ma nungah Huhpa Kha Siangtho (KSTho hun-sepkhiat hun) hong sawl ta hi. Tu laitak pen Kha Siangtho hun ahih manin Kha Siangtho in mun khempeuh ah na sem kawikawi in kicing kawikawi hi.

Pasian in a ki-imcip thusim te zong kong gen ding ci-in kamsaang Jeremiah tungah acih mah bang tuhun Kha Siangtho hun ah mitampi in thuthuk nono thei in kipil thei mahmah hi. Nidang in Kumpite leh Biakna makaite bek ii kep cing a thupite tu in mi khempeuh kiangah Pasian in pholakta hi. Tu hun ciangin a kidophuai thu khat ah “a ki-imcip zo thu” cih pen om nawn khollo hi. Tua pen Kha Siangtho nasepna hang ahihi.

Khat vei Pasian a kihei leh nisuah na lam mite’n (Asia) a maitang mu in, Nitumna lam te’n (America) a nung bek mu hi. Tua hi in First World te’ muhna leh Third World te’ Pasian muhna a kibat lohna pen a etna uh leh a kilak a kibatloh man ahihi. A muh dan uh maan tuak napi-in ngaihsut siamkei leh nang’a maan kei a kici thei ding ahihi. Pasian’ nung hei san kaal pen lungzinhuai mahmah khading hi. Lai Siangtho sungah Pasian pen zanni, tuni, a tawntungin kikheel ngeilo na ci hi, hih thu a maan mah ahihi. Pasian pen kikheel ngeilo a, kihei thei bek hi cih phawkhuai hi. A diak diak in Pasian’ kikheel ngeilohna pen a sunglam thu ahihi. Mi hingte pen isung leh ipua a kikheel baih mahmahte ihihi. 

By:- Tungg Thang (UB Fellow, Silliman University, Dumaguete City, Philippines)

Behlap:- 

Zongeina Man kila tangtang pen tuhun ciang kila lo, zongeina bek2 zong a kihei or khel tampi om hi.

SUAKTA DINGIN KA KILAMEN DEN HI: PAKISTAN CHRISTIAN NUMEI ASIA BIBI

SUAKTA DINGIN KA KILAMEN DEN HI: PAKISTAN CHRISTIAN NUMEI ASIA BIBI

March 1: A lawm numei nih tawh a kam kinialna; kiseelna aih kei leh kitotna uh-ah Islam leh Prophet Mohammad a simmawhna thu genin samsia (blasphemed) hi ci-in ngawhna a tuah khitin Pakistan gam-a court nih in sih dan (death sentence) a piak khit kum giat sung sih ding ngakin a om lai-in Pakistan Supreme Court in a hutkhiat (gupkhiat; suahtaksak) Pakistan Khristian Asia Bibi in hun khat ni ciangin suakta peelmawh ding hi ing cih upna ka nei den hi ci-in gen hi.

Friday in BBC in Asia Bibi a interview bawlna ah tu-in Canada gam-a tengin a busa Bibi in thonginn sungah thongcing mite' bawlsiatna leh a thuakna thute a gen kawmin ni khat ni ciangin Pakistan gam-ah ciakkik dingin lametna ka nei veve lai hi ci hi.

France gam-ah Bibi' phawk thute (memoirs) a genkhiat pansan in French journalist Anne-Isabelle Tolet in laibu in a bawl "Efrin Libre!" (Finally Free) kici laptohna; zuakna (promote) ah Bibi va kihel a, "Ka Khristian upna in hih bang haksatna ka thuakte ka thuakzawhna dingin tha hong pia hi," ci hi. "Amaute (thongcingte) in na Khristian thu upna kheel/laih in; tua hileh na suakta ding hi," hong ci uh a, "Ahi zongin ke'n ka upna ka laih kei ding hi. Sih dan hong kipiakna mah bangin ka upna tawh ka thuak ding hi," ci-in ka dawng hi ci hi. Bibi in hunkhat ciangin suakta dingin lametna ka nei den hi ci-in gen beh hi.

Ms. Bibi in Pakistan Prime Minister Imran Khan' tungah Islam biakna ahih kei leh Prophet Mohammad samsia hi ci-in a man lopi-in ngawhna tuakte ahih kei leh a kimawhpaihte (unjustly accused or convicted of blasphemy) a suahtaksakna dingin a nget banah a tung uh-a ngawhna kibawlte lim takin thukankhiatna a kineihphatna dingin nget beh hi. Pakistan gam-ah BLASPHEMY pen sih dan ngah theihna ding khialhna (crime) ahi hi. Bibi in a thuakgimnate hangin a pian'na gam Pakistan a hoihlam in mu veve lai a, hunkhat ni ciangin ciahkik dingin a lametna thu gen beh hi.

Nung kum Sep 3, 2019 in Pakistan Supreme Court in sih dan panin tuak dinga ngak Bibi a hutkhiat ni a kipanin Pakistan gam-a Islamic conservatives leh fundamentalists suuksia tengin lungphona khuapi tuamtuam ah neipah henhan uh a, Bibi leh amah gum thukhente (judge) thah ding tangkopih uh hi. Supreme Court in a thukhenna a dawhkik (withdraw) kei leh Supreme Court Judges teng thah dingin vauna a bawl ban uh-ah Pakistan government in manlang takin Bibi a thahna dingin nawhna bawl uh hi. Lungphona neite in sumbuk tampi a hal ban uh-ah traffic leh highways ban khakcip in ngongtatna kizeelsak uh a, policete tawh kinawktuahna hangin mi a hunkhop in sihlawh hi.

Tua hun lai takin Bibi leh a pasal in Christian state ahi Church of England thuneihna tawh theocratic state gam khat ahi England government tung leh Christian a kineih pha diak US President Donald Trump in a hutkhiatna ding leh bukna (asylum) a piakna dingun nget hangun UK gam-a conservative Prime Minister Theresa May leh Trump in asylum pia nuam lo uh hi. Bibi' lawyer Saif Mulook zong Nov. 13, 2019 in sih ding lau in Europe ah tai pah hi. Tua khit nungin Canadian Prime Minister leh Liberal Party makai Justin Trudeau in Canada gam-ah Bibi adingin asylum pia hi. Bawlsiatna thuak leh thah dinga vauna tuak Khristian mite lainatna nei leh bukna pia ngam kua hi zaw hiam cih Bibi' thuakna panin kitelcian mahmah hi. Nasepna tawh kizui loin a kampi bek uh tawh Khristian mite a itna leh awlmawhna uh thugen in a otot pong uh pen a billaphuai zankim lai takin daltuah leh zaam kitum ging bang lel hi.

Sources: Press Trust of India and BBC

@ Thang Khan Lian #ZUNs