Monday, August 19, 2019

NUPA ENHUAITE OMZIA

Nupa enhuaite om zia!

1. A thu uh kingai/ ki mang uh hi.
2. Maitang enin kiho uh hi.
3. Deihdan kithudon uh hi. 
4.Deihna tunsak ding ki hanciam pih uh hi.
5. Lunggulhna damdamin kikum uh hi.
6. Tha kipia tuah uh hi.
7. Hawmthawhna zang lo uh hi.
8. A lawm a ding buailua cih neilo uh hi.
9. Kamtamna a piangsak thute pel uh hi.
10. A lawm a ding hunpia-in omdan tawh lak hi.

By: Sia Thangboih 

NUPA NUAM SUAHTHEIHNA

Nupa nuam suahtheihna thu(12)

1. Midangte kiangah Na Lawm hoihna khat tei tei gen zel zel ding
2. Aw neem, itna kammal tawh thu ki dawng ding
3. Na lawm a ding na hoih sepsak ding
4. Letsong, paak, omdan hoih tawh na lawm kipaak sak ding
5. Na lawm in thupi a sak phadiakte seppih ding
6. Cilbawl lo-in ong it ing, lungdam ki ci ci den ding
7. Muanhuai takin nungta tuak ding
8. Na lawm hangin Pasian tungah lungdam ngiat ding
9. Na lawm thupha ngah nang thungetsak den ding
10. Dahna, ki telkhialhna a om leh mawh maisakna ki ngen ding
11. Ki phasakna lungsim nei- in thukkik nopna neilo ding
12. Nisim in na lawm i deihdan kantel ding

By:- Sia Thangboih

Anuai ah HOME na mek zel le cin na deihdeih sim thei ding 

NUPA AHITE A DING KHANTOHNA

Nupa kingaih semsem theihna

1. Munkhat peuhpeuh ah paikhawm ding
2. Pawi, biakinnte ah tukhawm ding
3. Lup hun ki bangsak ding
4. Zing thawh ding ciang kiho ding
5. Ki no ki ciamnuih ki mawlkhawm zelzel ding
6. Lampai khop ciang kilen in tonkhawm ding
7. Kipom, kinam cihte zang zelzel ding
8. Lokuan,vaiciah ciang ki hopih ding
9. Lupna tungah kikawi, pumpi khut le khe ki sukha sak ding
10. Kikhoih, ki zuut , kimek cihte zangh zelzel ding
11. Na lawm nopsak thangah theih theih a om ding
12. Maitai ding , sawtpi nuak ngeilo ding

Nupa nuam suahtheihna thu(12)

1. Midangte kiangah Na Lawm hoihna khat tei tei gen zel zel ding
2. Aw neem, itna kammal tawh thu ki dawng ding
3. Na lawm a ding na hoih sepsak ding
4. Letsong, paak, omdan hoih tawh na lawm kipaak sak ding
5. Na lawm in thupi a sak phadiakte seppih ding
6. Cilbawl lo-in ong it ing, lungdam ki ci ci den ding
7. Muanhuai takin nungta tuak ding
8. Na lawm hangin Pasian tungah lungdam ngiat ding
9. Na lawm thupha ngah nang thungetsak den ding
10. Dahna, ki telkhialhna a om leh mawh maisakna ki ngen ding
11. Ki phasakna lungsim nei- in thukkik nopna neilo ding
12. Nisim in na lawm i deihdan kantel ding

Nupa pumkhat suah theihna

1. Thu ngen khawm ding

2. Pawlpi upna ki bang sak ding

3. Thu gen kingai ding, ki tuhlo ding

4. Innpuah huangpuah semkhawm ding

5. Ki telsiam ding, ngaihsutna ki pulak ding

6. Nupa a kal khat khat vei vakkhawm ding

7. Nang tungah ong kibawl ding na ut bang in na lawm tungah bawl ding

8. Na paina, na omna na lawm theisak ding

9. Simtat leh khemna na lawm tungah zangh lo ding

10. Nasepna, tate om zia kikum kiho tangtangh ding

11. Sep leh bawl ding gelkhawm ding

12. Nisim nupa hun manpha tak a zangsiam ding

By: Sia Thangboih Guite

LASIAMTE LEH PILNA NEITE

LASIAM TE LEH PILNA NEITE

Lasak kidemna a akhatna ngahte kipah tawi in media lamah ki interview a, mun khempeuh ah mi pahtak ngah uh hi. Lasa siamte pen Pasian piak talent ahih manin a thupi mah mah khat zong hi ve ve hi. Gam khangto te American Got talent, Britain Got talent, leh XFactor khong a a khatna ngah ten Multi million dollar contract ngah in record lebel company te tawh pang khawm in nasem khawm in sum tampi pi ngah uh a, kivak na ding in zang thei uh hi. Gamdang tung Zomi Lasiam leh talent tuam tuam a nei te zong tua tan tung ding in hanciam huai in thapiak huai hi.

Ahizong in ei Zomi sung bek ah pen, a market zong neu lua lai, mi tawm lai ihih manin lasiam leh talent tuam tuam a nei te a ding in kivakna ding ciang in bang mah ki semkhia thei nailo hi. Zolia ngah Zotang a ngah te zong Fashion lam ah career nei a a sem suak ki om nai lo hi. Mizo nungak lasiam khat in “zan ah concert ah ong pakta mi, fans te tawh zingsang in tui kang ki ngak khawm hi” a cih dan in I Idol Lasiamte, I Zotang Zolia te zong nautang te mah bang a nasep sil bawl a sep uh kul hi. Full time in a uk uh fashion, lasak cih te sem zo nailo uh hi.

Mizo gamah zong Icon/Idol cih khong a neih ma tham uh 70ties 80ties 90ties hun lai in kumsim in India gam Central service ah pilna tawh nasep sang pi pi a ngah ulian officer tam mah mah uh a, India gam khuapi teng ah kumpi nasem ulian tam mah mah uh hi. Tu hun tak ciang in khangthak Siamsin te in Pilna zawn ding sang in icon ah idol ah Miss kidemna ah, ahih kei leh talent show ah TV pan in bangci minthan theih ding cih bek bek ong uk ta uh ahih manin pilna lam ah niam kiat mah mah uh hi. Icon leh Idol leh Miss kidemna ah a khatna ngah te khong media ten interview in minthannopna lung buaina tawh ong dimta uh ahih manin pilna tawh Kumpi ulian officer suahna lam ah nidang sang in niam kiat mah mah uh hi. A makai lam te un lunghimoh mah mah ta un vei mah mah ta uh hi.

Ei Zomi te lakah zong tua I bat khak ding lauhuai sa ing. Celebrity minthannopna, popularity contest na teng tawh ikhangno ten a hun tamzo peuh ong beisak khak ding uh lauhuai mah mah hi. USA/gamdang a tungsa Zomi sangkah lai te lak pan Lawyer bangzah in ngah? Certified Professional Accountant (CPA) tu kum bangzah om? High School Valedictorian ngah I om hiam? full scholarship tawh mi bangzah college 4 years degree ngah tukum bangzah om? All A/All D ngah bangzah om? Cih khong tawh buai zaw leng I maban limci zaw tham ding in ka um hi. Idol/Zolia/Zotang te neusehna hi lo in, I community sungah naupang ten pilna sin ding uh manggilh liang in hih thu te tawh ong buai khak ding uh lauhuai ka sa hi. Zolia/Zotang/Idol a ngah te, a talent neite hi uh a, pilna lamah zong hanciam le uh sangpi pi a tung ding te a hi uh hi. Zato khong leh zum tuam tuam ah va pai leng Vietnam te doctor nurse khong leh zum nasem tam mah mah uh hi. Zomi te zong Banker, Doctor, Lawyer, Engineer, Broker, Real estate developers, entrepreneurs, Business sem tam sem ong kibehlap a, pilna tawh nasem ong ki behlap toh toh ding deihsak huai mah mah hi. A sim mimal kim khat ciat Topan thupha ong pia ngiat ta hen!!!! Ka Lungdam!

By Sia Muana Khuptong 

Sunday, August 18, 2019

A KHANGTO NUPA HOIH SUAHNA

A Khangto Nupa hoih suahna Thu (12).

1. Na lawm mawhsak kikkik non lo ding in khensat inla, na zongsat dong hanciam in.

2. Na lawm in a vallua in hong phat hiam! a hih kei leh ka pahtawina in amah kilampha hiam! cih  khentel in.

3. Na lawm tungah na hih thute a hoih lam manawh hiam cih ngaihsunin na hun zangh zel in.

4. Na lungkim hun bek hi lo-in na lawm phat, pahtawi inla, it tawntung, dik tawntung in.

5. Na lawm i siamna, hihtheihna, thupina te theician in.

6. Na lawm i sep leh bawlte zahtak inla, a thu a la kuppih holim pih in.

7. Midangte sangin na lawm a thupi pen a hihna na lungsim ah kem tawntung in.

8. Na lawm i hong muhna leh ama deihdan zongkhia in.

9. Na lawm na muanngamna leh na thupi sakna laktel siam in.

10. Na lawm pen mit hem, nuihmai, pumpi omzia tawh mite lak pan dawngkik in.

11. Mite mai leh na inn sungah  na lawm pen zinmangpi( vip) bang in bawl in.

12. Na lawm tungah Lungnopna, tawldamna pia in la, a sanhuai leh ciangtan omlo itna guan in.

Sia Thangboih and wife

A Nuai ah HOME na mekzel in la Article dang na en in >. < 

Wednesday, August 14, 2019

IDOL TAWH KISAI LAISIANGTHO AH!

#IDOL TAWH KISAI LAISIANGTHO

Laisiangtho sungah Idol tawh kisai mun tampi tak ah na gen hi. Pasian sanga I thupi sak zawk na khat peuhpeuh gentehna: entertainment/hauhna/sumlehpai/inn leh motaw ahizong in, tuate in I lungsim sung ah Pasian sang a mun a luah nasiat zawk tak ciang in ei a ding in Idol suak hi.

Moses Sinai mual tungah thugnen ding in a pai laitak in Aron makaihna tawh (Idol ahi) bawngno lim na bia uh ahih man in Pasian hehna a thuak uh hi. Korin Masa 10:7-8 sung ah Paul in hih bang in na gen hi, “amaute pawlkhat in a biak bangin milim i bia kei ding hi. Lai Siangtho in, “Anne zune dingin mite tu uh a, tua khit ciangin a lam dingin a ding uh hi,” na ci hi. Amaute pawlkhat bangin numei tawh paktatna i gamta kei ding hi. Nikhat thu-in mi tul sawmnih leh tul thum a si uh hi. Amaute pawlkhat bangin Topa i ze-et kei ding hi. Gul in amaute na tulum hi.”

Korin Masa 10:14 “Tua ahih manin lawm itte aw, milim biakna pelh un.”

Johan Masa 5:21 “Ka itte aw, milim na biakkhak lohna dingun na kidawm un.”

Kolose 3:5 “Tua ahih manin nulepa mawhna, a kilawmlo gamtatna, hukna lanna, a hoihlo lunggulhna, leh milim biakna nam khat ahih manin huaihamna ahi note sungah a om leitung lungsimte na sisak un.” Pornography (piaka) et et zong Idol khat ahih manin Pasian deihloh hi a, Satan vanzat khat ahi hi. Video games addict (zongsang) te zong Idol nam khat hive ve a, Pasian in deih lo hi. Video games in pen violence (hiam gamna) bek bek promote ahi hi. Mass shootings (thau kap a mi tampi a that te) zong video games aen en ten a hi mawk hi.

Nu leh pa lupkhopna (Sex) pen hoih mahmah napi-in Nupate zat ding a Pasian bawl ahi hi. Zi leh Pasal a kiteng nailo pi a, sex a mawk zatzatte pen Pasian in thukhen ding hi. Paunak 5:15-17 ah “Na zi/pasal pen nang a ding bek hi” ci hi. Paunak 5 sung bup ah nulepa mawhna gen hi. Korin Masa 5na sung ah zong nulehpa mawhna a bawlte pawlpi sung bek hilo, a pumpi na ngawn a sihsak na ding in Satan khutsung ah kipia hi.

Korin Masa 5:1-2“Note lakah numei tawh paktatna nasia mahmahin, lawkite nangawn a gamtatlohte na gamtatna uh hong kigen a, mi khat in ama nukik nangawn a luppihna thu ka za hi. Tua bang kimlai bangci kisaktheih ding na hi uh hiam? Note na dah mahmah ding uh hizaw a, tua bang mite pen note lak panin na hepkhiat ding uh ahi hi. V5, Topa' Ni hong tun' ciangin tua bang mite' kha in hotkhiatna a ngahtheihna dingin Satan in amau pumpi a gimsak dingin na piakhia ta un.”

Idol pen Pasian zak dah mah mah thukham 10 sung ah zong om ahih manin, I Idol te pen Pasian thu pan ngaihsun leng akihel huai het lo mah hi. American Idol ong kibawl a, tua khit ciang in mun khempeuh gam khempeuh ah Lasiamte Idol na kici hiau mawk hi. Idol pen I taisan ding hi mawk ahih manin, Idol pen Kristian nuntakna tawh zong kituaklo hi. A telsiam ding in Topan mimal kim thupha hong piaciat ta hen!

Behlap:- 1. IDOL cihpen milim cihna hi!  2. IDOL cih pen Pasian sang a ih Lungsim ah ih koih mun zawk penpen Idol hi!


Sia Muana khuptong

Monday, August 12, 2019

ZOMI MOVIE THAK SUAKDING HITA BY. Sia Dokhup

Zomite in ih ngaklah mahmah Movie thak hong suak ding hita hi nai mahmah ta ding hi! Alei dingin kiging ciat ni!

Muhnop hiven na en sin le cin a nuai ah! 
https://youtu.be/hLRXmhVtqWU