Saturday, October 14, 2017

NUMEI MANPHA

NUMEI MANPHA
Numei khat i manphatna pen a pumtung na te le, a pilna tawh thu kikhen thei lo hi. pilna sang pipi nei na pi'n a lungsim a hoih lo mi pawlkhat om a, pilna nei khollo napin a panpih lungsim a hoih mahmah numei pawlkhat om hi. tua a hih man in, bang cih numei te numei manpha ahi hiam cih leh...............
1. Pasal khempeh tung pan itna a ngahzawh na hi lo in, pasal te in a ma tung pan itna a ngah zawh loh numei te pen numei manpha hi zaw hi. numei pawlkhat te bang pen pasal khempeuh kamsiam pia ziahziah, pasal te ki-lamen sak kaikai thei uhhi. tuabang numei te pen numei manpha ki ci ngeilo hi.{ tuabang numei te kampau pen pasal te in up pahpah ding hi lo hi.
2. Pasal te hehpih theih na ding in a innkuansung haksatna a gengen te hi lo hi. sumlepai deih man in pasal te a naih te hi lo hi. A haksatna pauhlap in sumlepai tawh a zuan pasal te a encik a, sumlepai deih na tawh maizumna a khek nuamlo numei te pen numei manpha ahihi.
3. Pasal khat a ding a mah bangzah tak in manpha ci a ngaihsut na tawh pasal a zong te hi lo hi. Hih pasal pen kei ading bang zah in manpha ding hiam cih ngaihsutna tawh pasal a nei te hi zaw hi. { Gennopna ah, pasal te tungah thuneih na deih masa lo hi. a hih hang a mah a thupisimlo / a simmawh ding pasal te khentel in pasal zong thei uh hi.
4. Pasal te a muan na tawh na a sem hilo in, a kimuan na tawh pasal te na a sepsak te hizaw hi. { Pasal te muanglo cih na hilo in, naseptheih hau a, mun khempeuh ah, pasal te buaisak sese lo hi.
5. pasal in a lauh man in thu a kikuppih hilo in, a pasal a ding thuhoih thuman pha, a cianhoih, ngaihsutna hoih pia thei a hih man in a pasal in a thupit bawl numei te hi zaw hi. { Lawmnu tawh na kikum phot ning ei, hong phal kei mawk leh, kei ma thu in bang mah khensat ngam keng, a ci te gennopna hilo hi.
6. Pasal te deih bekbek a semnuam te hilo in, a sepkhempeuh pasal te deih ding in a bawlthei te. pasal te mai-etet selo pasalte lungsim tellua, { pasal te zothawh cihna hilo in pasalte thupisak a, a lungsim a zawt siam cih nopna hi.} a pasal nasem hong ciah ciang in luidawnding maw, a dang dawn-nuam zaw cih dot kullo in a thei tawm te. lawm kingai a hih leh, a lawmpa in bangteng duhthei, banghun in bang nethei cih zah dong a theite a hihi.
7. A kitenpih a pasal angsung a tunma in a nungak siantho na a kemcing zo te. hih pen nungak te a ding a thupi masa penpen kong vaikhak nop thu a hihi. nang hong tenpih na lawmpa a ding tehpih om lo, letsong khat a pia na hihi. nidang in lawmngaih 10 bang na nei khin zong in, na pumpi sianthona na pasal kiang ah na tunpih peuh le teh, tua na hunlui te hang in na pasal in muanmawhna kammal khat zong hong genkik lo ding cih, tangtak in hong gen ngam ing.
$@ Hih tawh kisai gentehna hoih mahmah khat hong hawmsawn nuam ing.
Sang naupang khat in a sangsiapa kiang ah thukhat dong hi. #sya aw, # banghang in pasal te pen numei tampi tawh kingai in kikhawl leh hih mipa hampha ei, enhuai sam ei kici napi'n numei te a hih leh, pasal nih le thum tawh kikhawl leh, hih numeinu a gamtat hoih kei numei ginalo hi kici a hiam? ci in sang naupangpa in a sangsiapa kiang ah thu hong dong hi. tua ciang in sangsiapa hi nuikawm sa in hih bangdan in hong dawngkik hi. Tawhtang khat tawh tawhbu khempeuh kihong thei leh, tua tawhtang pen { master key } tawhtang hoih mahmah, a sensang mahmah tawhtang kici hi. a hih hang in tawhbu khat pen tawhtang tampi tawh kihong thei mawk leh, tua tawhbu bang in kimang nawn mawk ding hiam?. tua tawhbu pen a kimanglo khat hong suak ding a, kua in deih nawn ding a hiam, ci in sangsiapa in hong dawngkik hi. tua ciang in sang naupangpa in tawhbu hoih i manphatna hong thei pah hi.
Tua a hih man in numei te in tawhbu manphat na a theikim ding in hong lamen ing. tawhbu pen tawhtang khat bektawh a kihong thei ding in a kibawl a hih man in, master key tawh na kituaksak kei un cih hong vaikhak nuam ing. LUNGDAM.
JOB.CINPI

Source:-
ZOMI LAISIM NUAMTE.

Thursday, September 28, 2017

Nupa Thakte theih ding

Nupa thakte theihding
~~~~~~~~~~~~~~~~~
Nu ngak khat leh tangval khat nupa hong hih tak ciangin a mawhpuakna uh hong tam sem sem hi. Eima lungkimna bek tham lo in kawppihte’ lungkimna ding zong ngaihsut sak kuul ta hi.T ua banah pasal lam leh zite lam innkuanpihte lungkim na dinga om siam kuul hi. Hih te mi tampi ten haksa sa in kikhen lawh thei uh hi. Tua ahihmani hih ding leh hih loh ding khensiam ding thupi hi. Pawlkhat leu leu in a hoihnate thei napi in zui nuam lo vet se uh hi. Tua bang na tuah khak loh nang  thu tamlo kikum dih ni:
- Sex a thupi pen hi lo:
- Sex pen nupa bukimna khat himahleh a thupi pen hi sam lo hi.
- Sex hanga kiteeng kihi lo cih theih ding hoih hi.
- Nupa cih man azan sima sex zat ding hi khin sam lo hi.
- A khengval lua na khempeuh hoihlo hi.
- Mihing cidamna kibang lo thei ahihmanin cidamna zong ki theih siamsak ding thupi hi.
- Khatvei vei sex zang se lo in kitawp leh kikawi khawng phazo lua lel hi.
- A thupi pen khat leh khat ki theih siam na neih ding ahi hi.
- Khat leh khat a ki thei siam lote angkawm cih khawng om nuam deuh uh hi.

Mai lam hun ngaihsun ding: Kiteenna hun hong bei in zingsang khua hong vaak ciang mailam hun ding a kihta tampi om hi.

Pawl khat in lah kiteen ni hong sawt tek tek ciangin nuamsa lo sem sem thei uh hi. Tua bang dan lungsim na neih khak leh patau se ken. Kiteenna pen mumang leh ngaihsutna bek hi lo hi. Kiteenna bang ahi hiam cih a thei siam dingin na lungsim bawl zaw in. Hangsan takin na mailam dawn tuah ngam lel in.

Na khatpeuh a lungdam huai lama ngaihsut siam kisin zaw in.

Kitai ding Ahizongin…….Kitai pen hoih peuhmah lo hi. Ahizongin nupa kitailo kiuhkeuh cih pen om khollo ding hi. Tua ahihmanin kitai unla, ahizongin tua kitaina pen a hoih lam in zang siam zaw un. Na kitai ciangun hun paisa a hehna te thaksuaksak se kei un. Tua dingin na lei uh kem siam un. Na kitai khitciangun hehna a damask masa ding kituh in kidem phi al un.

Ko ci lo in Ei ci zaw ding: Nupa hih khitciangin Ko cih kammal zang nawn lo in ei cih kammal zat zawk ding thupi hi.

Tua banah kawppihte zia tawh a kituak dingin om siam(adjust) kuul hi. Nang zia pawlkhat paikhia in ze thak na neih ding zong kitangsam mai thei. Nang’ thu bekin nakhempeuh paipih lo in na kawppih dong zel in.

A lungsim paizia kheel sawm se ken: Mi khempeuh in pianpih lungsim paizia khat kinei hi. Hih pen kheel hak kisa mah mah hi. Tua ahihmanin hih kheelsak na sawm leh na kikal uh buaizaw ding hi. Na pasal lungsim kheela na ut dana omsak na sawm sangin na pasal lungsim tawh kituakin om sawm zaw in.

Kiteenna ah na hihna diktak kilang ding hi: Nungak tangval lai leh lawmkingaih hun lai in mi a tamzaw  omdan hoih uh hi. A hoihlohnate uh ahi thei zahin im nuam mawk uh hi. Ahizongin a hihna diktak pen ki imcipzo tuanlo ahihmanin kiteenna ah hong kilang khia veve hi.

~ Thangpi Naulak

#Laibusaal

Friday, September 15, 2017

NUMEI KHAT HILENG

#Numei_Khat_Hi_Leng



1.Numei khat hileng ka pasal tung ah kalungsim leh kapumpi avek in kapia ding hi.



2.Numei khat hileng kapasal kazahtak dinga,zahtakna toh kahoupih ding hi.



3.Numei khat hileng kapasal ukna nuai ah kanungta ding hi


4.Numeikhat hileng kapasal kagensia ngeikei ding hi.



5.Numei khat hi leng ka pasal nu leh pa akipan amel theih khempeuh ka it pih ding hi.



6.Numei khaat hi leng hehna khat kaneih teh ka nuhleh pa inn ah kaciah pahpah kei ding hi.



7.Numei khat hi leng ka innkuan sung thu midang te kiang ka gen pahpah kei ding hi.



8.Numei khat hi leng ka pasal hawmthawh ka sawm den sanga thanemnate ah ka laptoh zawh nang ka hanchiam ding hi.



9.Numei khat hi leng ka pasal phuisam, tomlawhin ka om pahpah sang thupha pia in thungetsak ka hanciam zaw ding hi.



10.Numei khat hi leng ka pasal nasepte ah zumpih lo zaw in ka thupi ngaihsutpih zaw ding hi.



11.Numei khat hi leng ka pasal lungkiat loh na’ng in ka pum pi ka hahsiang ding a,a kilawm bangin ka kizemding hi.



12.Numei khat hi leng ahih theih laiteng ka pasal tawh ka omkhawm dinga, a pha a sia thuakpih ding ka hanciam ding hi.



13.Numei khat hi leng ka pasal beh leh phung pen kei a hi cih ngaihsunin a khantoh theih na’ng in ka hanciam ding.



14. Numei khat hi leng ka pasal hangin ka kiphatsak khak loh na’ng ka kidawm pha mahmah ding hi.




15.Numei khat hi leng ka pasal sangin thuneih zawk ding ka hanciam kei ding hi.



16.Numei khat hi leng ka pasal a khualzinna pan hong vai tun phetin thusia tawh ka vaidawn pahpah kei ding hi.



17.Numei khat hi leng ka pasal a sia lam peuhpeuh ka han thawn ngei kei ding hi.



18. Numei khat hi leng ka pasal omloh kalin khuaval zulhtat na te ka bawl kei ding hi.




19.Numei khat hi leng ka pasal lungkiatna a neih ciang in tha pia in thu ka ngetsak den ding hi.



20.Numei khat hi leng mipi kikhopna khempeuhah a manlah pen, a kamtampen leh a kidawkpen ka hih khak loh na’ng kaki dawm ding hi.



21.Numei khat hileng kapasal thanemna mun leh akicinlahna munte ah ka panpih theih zah in ka panpih ding hi.



22. Numei khat hi leng ka pasal in mundang sangin ka inn uh nop a sakpen na’ng ka hanciam ding hi.



23. Numei khat hi leng ka pasal lup ma-in ka lum pahpah kei dinga, zing a thawh ma in katho masa ding hi.

24. Numei khat hi leng ka pasal annek ma in an ka ne kei ding hi.



25. Numei khat hi leng khutsiam khat teitei’ ka sin ding a, innkuanpih te dingin ka zang ding hi.



26. Numei khat hi leng ka pasal hong theihsiam na’ng thusim neih ka pelh ding a, ka thanemnate ka pulak zel ding hi.


27. Numei khat hi leng hun awng ka neih sung in khualak ka vak sangin innkuan a ding nasep hoih khat ka sem zaw ding hi.



28. Numei khat hi leng na dang tampi ka hanciam sang in ka pasal a ding in zi hoih, ka tate a dingin nu hoih, ka teknu leh ka tekpa a dingin mo hoih ka suah na’ng ka lungtup lianpen ka hisak ding hi.

 

Source : Lungdamna aw



Wednesday, September 13, 2017

KHUADO PAWI BANG HANG BAWL

#Bang_hangin_Zomite_in_Khuado_pawi_bawl_i_hiam?
Agelh ~ Dr. Lam Khan Piang

Minam kician le picing a kingaihsunte pen pupa ngeina le tawndan kician neite ahi hi. Tua ahimanin pupa ngeina le tawndan a nei khawm milip pen minam khat in kingaihsun hi. Tua ngeina le tawndan tuamtuam i neihkhopte zunkhawm puahkhawm loin bang zahtakin kigawmkhawm ding i sawm zongin a mawknapi suak ding hi. Zomite minno tuamtuam bang hong kivawh in, nam tuamtuam bang kekin khen tampi-in i kikhen uhi, ahihangin minam khat i hihna uh kuamah in telkhial ngei lo hi. Bang hangin minno tuamtuam nei napi-in minam khat kici thei i hi hiam, cih a tomin kong gen ding hi. Eite pen minam khat i hihna pen bang dang hang hi loin a hong suang i pupate khat hi a, i khangui zong khat hi in, ngeina khat a nei khawmte i hih man ahi hi. Min tuamtuam in hong khen zongin i Zo ngeinate i zun ciangin minam khat i hihna kiphawk kikkik hi. Minam khat hi a ngeina a zun nuam lo, pu pate tawndan zong a zui nuam lo pen minam mangthang in kingaihsun hi.

Zomite pen tualsuak minam i hi hi. Bang hang hiam cih leh leitung mun tuamtuam a tualsuak minamte mah bangin ngeina le pupa tawndan kician a nei, a khang a khang a pupa satsa gam a luahsuk ngekngek minam i hih man ahi hi. Tu hunthakah min tuamtuam hong kipiate hang le tua minte tungtawn a, kipawlkhopna i bawl tuamtuamte hangin kitelkhialna bang piangin, unau melhaih hun bang zong na kinawkkha khin zo hi. Ahihangin Zominte pen minam khat i hihna bei tuan lo ahimanin khangnote in lungsim a tangzaizaw ngaihsutna nei in, min tuamtuam pawl tuamtuam i neihte uh sangin i pupa ngeina, Zo ngeinate zun in, i pawi tuamtuam te bawlkhawm lehang Zomite lak kilainatna hong khang semsem in lung kituakin mainawt ding hihang.

Tua ahimanin i pupa khanggui zom in, i pawi tuamtuamte bawlkhawm in, i Zolate sa khawm in, i Zolamte lamkhawm in, i Zopuante silh khawm in, i Zongeinate zuikhawm in, i Tung Sianmang pakkhawm in, i Zogam zunkhawm in, azu ava kemkhawm in, vulhloh gantate cingkhawm le hang Zophualva in zong Zogam hong zuan kik ding a, phualva ki-itna bang itna Zomite lakah hong khang semsem in, Zomite hong khenthang pawl tuamtuam le min tuamtuam te hong bei hiaihiai in muihmang ding a, tualsuak Zomite hanlung ciam khawm in, khang kawm diam ding hihang. I biak Pasian in laisim mimal kim tungah Zongeina kumthak thupha namkimte hong pia ciat ta hen.

Lungdam
91317

Thursday, September 7, 2017

NA PASAL ADING LETSONG LIANPEN

NA PASAL ADING LETSONG LIANPEN
A masa in group mintawh aki tuak kei leh, addmin te'n nongtheihsiam nadingun honggen masa ing,hih group sungah apapi ding leh anupi laiding tampi ki om ahih teh ci'n konggelh ahi hi.
Na virgin napen napasal napiakding letsong lianpen hi a,naki ten ma un,nalawm in,na virgin na hongngen a,napiak loh manin heh in ahong nuak hangin naki ten taktak uh ciangin navirgin na hangin natungah alungkim mahmah ding hi.
Na kiten ma un,navirginna napiak leh hong muanna kiamtuam thei a,naki ten ma un,na ngaihpa na virginna, napiak manin aki itna uh akip semsemding sakei in,ki itna akip semsemding sangin ki muan mawhna hongpiangsak zawding hi.
Singkung tungah khatvei kahthei nahih leh anih veina pen noptak in nakah thei hi kici hi,nalawm tawh naki ten ma un,na neihsa napiak leh natungah a ngaihsutna hongki lamdang thei a,sex nazat khopma a,hong muhdan leh nazat khin nunga hong muhdan kibang nawnlo thei hi.
Tua ahih man'n na ngaihpih nalawmpen nakiten ma un,natungah khatvei nakahsak leh anih veina pen baihtak in natungah hongkah theiding a,a nungsanglam ah singtung kahpen lampai bangin hongpai tading hi.
Na numei hihna pen pasal na neih ciangin napasal napiakding letsong lianpen ahih man'n na ngaihpih khenpeuh tungah pia kei in,midangte napiak leh pasal naneih ciangin napasal kiangah nakending neiloding hi teh.
Na numei hihna pen nang hongngai khenpeuhte tungah piakding hilo a,nanghong it a,hong tenpihte tungbek ah piakding ahi hi,tua ahih man'n na ngaihpih khenpeuhte tungah itna lahna in napumpi pia ngei kei in,nanghong it taktak a,naki tenkhit uh ciangun nih hi nawn lo'n,pumkhat ahihna uh nalah na'n napumpi napiakding ahi hi,tua ahih man'n na virgin napen napasal napiakding letsong lianpen ahi hi.
Dr, Piang

NUNGAK TANGVALTE THEIH HUAI

Pasian um vive ih hihmanin Na nungak, tangval lai-in sex nupa lupkhopna zang ngeikei in, Pasian deihloh thulian penpen hi. Nihna ah Sum le pai deihluatna zong in lam hong pialsak ahih manin le sex lam hong lutsak thei tawntung thei ahih manin numeite kidop pha diak ding deihsak hang.
Nupa ta nei thei lo ih cihte pen nungak, tangval lai-in sex anakzat luate hinuam hamtang hi. ahang pen gaitheih lohna ding zatui ne mun, tua in numei nau neihna ding TUI apiangsak pen kisia sak ci hi. nihna ah: Pasal tawh nupa hihma akipawl munte pen pasal or numei in natna na neikha hi leh tua natna tung panin naupiang theihna te susia in tuapan in Pasal or zi neih taktak uh teh nau paithei lo thei hi. Numei te bang pen Ninkang danin atui naipak pusuak2 a om leh zato kilak pah kei leh tuapen natna gilo hithei in pasal or numei tung pan angah natna hi a tua in Nau paisak thei nawn lo hi, kici hi.
Numei in na theih ding ah Na virgin na pen Nalawmpa ading bek in koih in. Na lawm ngaih khempeuh na pasal ding hikhin lo hi. nong piak kei leh hong ngaitaktak lo hi teh acih leh um ken la pia kei in, tua hangin hong ngaihkei leh ngaikei lel pah in. Tuapen kingaihna man hilo in, feeling ngaihna bek ahi hi.
Mo na hihciangin Na nulepa in Vantampipi hong kensak pen thupi mahmah napi-in tua tawh na pasal alungkim zo den lo hi. alungsim a athamden pen in, Zan masa a na virgin leh loh in alungsim luahden a, tua pen kemden hi.
Na Virgin kei zenzen leh hoihtakin na virgin lohna ahang na gen kei leh tua hangin nupa kal kitotna piang sakzel thei ding hi. Thuman tak gen in khem kei in. Na virgin kei leh Virgin lohna hoih tak genin, na khemleh mitung pan na thei kikveve thei a tua hangin nupa kal kisiatna tampi piang thei hi. Bang hang kikhemna suak hi. Na virgin loh pen phamawhsa lo thei a Na virgin lohna ahang na khem leh aman atheih kik zenzen leh kilemlohna piang thei den ding hi.
Pasalte in Sumtampi naken sang Zite kithupi sak zaw ahih manin Na Virginna alemet pen hi zaw hi cih phawk in, Pasian deihna zong hi a, Christiante sang in hihdan lam ah Muslim te in thupi sak zaw mawk uh hi. Christiante atua cizaw ding penpen na freedom na zang khial keiin.
Tua hih manin Na nungak, tangval lai-in kidawm siam mahmah in.
1.Pasal or zi na neihteh ta nadeih uh leh,
2.Nupa na hih uh teh na kithuhual nop uh leh
3.Numei in napasal lungkim mahmahna hi pen hi zaw cih phwk in.
4. thusim nupa kal ah aom ding na deih kei leh.
5. Pasian deihna hi cih phawk in.
lungdam asim mimal khat ciat Topa lam ih naihna leh nuntak hoihna in hong piang ta hen!
lungdam
Siam Khaute
9617

Tuesday, September 5, 2017

Contact information

Kizopna ding:


Siam Khaute
Tulsa, OK .USAA
001-918-859-5707
khsiampu@gmail.com
"Na hoih sepding cimtak kei ni" Galatians 6:9